1. ముగిసిన ఐబొమ్మ రవి రెండో విడత కస్టడీ
2. పోలీసుల విచారణలో సంచలన నిజాలు
3. క్వాలిటీకి కరేబియన్ టీమ్
4. వెబ్‌సైట్లలో 21 వేలకు పైగా సినిమాలు

హైదరాబాద్, సిటీ బ్యూరో నవంబర్ 29 (విజయక్రాంతి): తెలుగు రాష్ట్రాల్లో సినీ ప్రియులకు సుపరిచితమైన, ఇటీవల పోలీసులకు చిక్కిన ఐబొమ్మ వెబ్‌సైట్ నిర్వాహ కుడు ఇమంది రవి విచారణలో విస్తుపోయే విషయాలు వెల్లడించాడు. శనివారంతో అత డి రెండో విడత కస్టడీ ముగిసింది. ఈ సందర్భంగా మూడు రోజుల పాటు సైబర్ క్రైమ్ పోలీసులు అతడిని సుదీర్ఘంగా ప్రశ్నించగా.. తన పైరసీ సామ్రాజ్యం ఎలా నడిచిందో పూ సగుచ్చినట్లు వివరించాడు.

అసలు ఐబొమ్మ పేరు ఎలా వచ్చిందన్న ప్రశ్నకు రవి ఆసక్తికర సమాధానం ఇచ్చాడు. విశాఖపట్నంలో సినిమాను మాండలికంలో బొమ్మ అని పిలుస్తా రని, దానికి ఇంటర్నెట్‌ను జతచేసి ఇంటర్నెట్ బొమ్మ అని అర్థం వచ్చేలా ఐబొమ్మ అని పేరు పెట్టినట్లు తెలిపాడు. ఇక మరో వెబ్‌సైట్‌కు తొలుత బలపం అని పేరు పెట్టాల నుకున్నానని, కానీ డొమైన్ రిజిస్ట్రేషన్ సమయంలో సాంకేతిక సమస్యతో ఎల్ అక్షరం పడకపోవడంతో అది కాస్త బప్పంగా మారిందని వివరించాడు.

రవి కేవలం సినిమాలను కాపీ చేయడమే కాదు, వాటి క్వాలిటీ విషయంలోనూ ప్రత్యేక శ్రద్ధ తీసుకునేవాడు. ఓటీటీలో వచ్చే ప్రతి సినిమానూ రికార్డింగ్ చేసేవాడు. ఆడియో, వీడియో క్వాలిటీని పెంచేందుకు కరేబియన్ దీవుల్లోని ఓ అవుట్‌సోర్సింగ్ బృందంతో ఒప్పందం కుదుర్చు కున్నట్లు విచారణలో అంగీకరించాడు. అక్కడి నుంచే క్వాలిటీ ఎన్‌హాన్స్ మెంట్ జరిగేదని తెలిపాడు. పోలీసులు రవి ఈమెయిల్ అకౌంట్స్‌ను రిట్రీవ్ చేయగా భారీ డంప్ బయటపడింది.

ఐబొమ్మ, బప్పం వెబ్‌సైట్లలో ఏకంగా 21 వేలకు పైగా సినిమాలు ఉన్నట్లు గుర్తించారు. తాను అప్‌లోడ్ చేసిన సినిమాలన్నీ టెలిగ్రామ్ ఛానల్స్ నుంచి సేకరించినవేనని రవి వెల్లడించాడు. పైరసీలో ఉపయోగించే అడ్వాన్స్‌డ్ టెక్నాలజీ గురించి పోలీసులకు వివరించాడు. విచారణ అనంతరం కస్టడీ ముగియడంతో పోలీసులు అతడిని నాంపల్లి కోర్టులో హాజరుపరిచారు.