న్యూఢిల్లీ: రష్యా చమురు కొనుగోలు చేయబోమని భారతదేశం హామీ ఇచ్చిందని అమెరికా అధ్యక్షుడు డొనాల్డ్ ట్రంప్(US President Donald Trump) చేసిన ప్రకటనను అనుసరించి, లోక్‌సభ ప్రతిపక్ష నాయకుడు రాహుల్ గాంధీ(Rahul Gandhi) ప్రధానమంత్రి నరేంద్ర మోడీపై విమర్శలు గుప్పించారు. అమెరికా అధ్యక్షుడు డొనాల్డ్ ట్రంప్ ను చూసి మోదీ భయపడుతున్నారని రాహుల్ ఆరోపించారు. భారత్ నిర్ణయాలను ట్రంప్ ప్రభావితం చేస్తున్నారని, రష్యా నుంచి భారత్ చమురు కొనబోదని ట్రంప్ అటున్నారని రాహుల్ పేర్కొన్నారు. రష్యా చమురు భారత్ కొనదని ట్రంప్ పదేపదే అనడం ఏంటి? అని రాహుల్ ప్రశ్నించారు. ఆర్థిక మంత్రి నిర్మలా సీతారామన్ అమెరిక పర్యటన రద్దు చేసుకున్నారు. ఈజిప్టు పర్యటనకు ప్రధాని నరేంద్ర మోదీ ముఖం చాటేశారని వెల్లడించారు.

ఆపరేషన్ సిందూర్ పై ట్రంప్ వ్యాఖ్యలను మోదీ ఖండించలేదని సూచించారు. భారత్, పాక్ యుద్ధం తన వల్లే ఆగిందని అమెరికా అధ్యక్షుడు పలుమార్లు వెల్లడించిన విషయం తెలిసిందే. ట్రంప్ వ్యాఖ్యలను భారత్ ఖండించింది. "భారతదేశం చమురు కొనుగోలు చేస్తున్నందుకు నేను సంతోషంగా లేను. వారు రష్యా నుండి చమురు కొనుగోలు చేయరని మోదీ నాకు హామీ ఇచ్చారు. అది ఒక పెద్ద స్టాప్," అని ట్రంప్ ఓవల్ కార్యాలయంలో విలేకరులతో అన్నారు, ప్రధాని మోడీతో తనకు గొప్ప సంబంధం ఉందని అన్నారు. భారతదేశం తర్వాత, ఇప్పుడు "చైనా కూడా అదే పని చేయమని" అమెరికా అధ్యక్షుడు అన్నారు. ట్రంప్ న్యూఢిల్లీపై అదనంగా 25 శాతం సుంకాన్ని విధించిన తర్వాత, ఆగస్టు నుండి భారతదేశం రష్యా చమురు కొనుగోలు చేయడం ముఖ్యాంశాలుగా మారింది. ఈ అదనపు మొత్తంతో, భారతదేశంపై ట్రంప్ సుంకాలు మొత్తం 50 శాతానికి పెరిగాయి.