Fuel Price Hike: ‘మోదీ తప్పుకు ప్రజలు మూల్యం చెల్లిస్తున్నారు’: కేంద్రంపై రాహుల్ విమర్శలు

న్యూఢిల్లీ: కేంద్ర ప్రభుత్వంపై లోక్ సభ ప్రతిపక్ష నేత రాహుల్ గాంధీ(Rahul Gandhi) విమర్శలు  చేశారు. ప్రధాని నరేంద్ర మోదీ(Prime Minister Narendra Modi) చేసిన తప్పులకు ప్రజలు మూల్యం చెల్లించుకుంటున్నారని రాహుల్ గాంధీ ఆరోపించారు. ఇప్పటికే ప్రజలపై పెట్రోల్, డీజిల్ భారం మోపారన్న రాహుల్ గాంధీ ప్రజలపై భారాన్ని ఇంకా విడతలవారీగా మోపుతారని సూచించారు.

అమెరికాలో ఉన్న ఒక న్యాయపరమైన కేసులో బిలియనీర్ పారిశ్రామికవేత్త గౌతమ్ అదానీకి(Industrialist Gautam Adani) ఉపశమనం కల్పించడమే లక్ష్యంగా ఇటీవల కుదిరిన భారత్-అమెరికా వాణిజ్య ఒప్పందం ఉందని ఆరోపిస్తూ, కాంగ్రెస్ నాయకుడు రాహుల్ గాంధీ శుక్రవారం ప్రధానమంత్రి నరేంద్ర మోదీపై తీవ్ర స్థాయిలో విమర్శలు గుప్పించారు. అదానీపై వచ్చిన లంచం ఆరోపణలకు సంబంధించిన ఒక వ్యాజ్యాన్ని పరిష్కరించుకోవడానికి అమెరికా ప్రభుత్వం అంగీకరించిందన్న వార్తలపై స్పందిస్తూ, ప్రధానమంత్రి జాతీయ ప్రయోజనాలను తాకట్టు పెట్టారని రాహుల్ గాంధీ ఆరోపించారు.

“లోబడిపోయిన ప్రధాని వాణిజ్య ఒప్పందాన్ని కుదుర్చుకోలేదు, అదానీ విడుదల కోసం బేరం కుదుర్చుకున్నారు,” అని రాహుల్ గాంధీ ‘X’లో చేసిన ఒక పోస్ట్‌లో పేర్కొన్నారు. భారత్- అమెరికా మధ్య కుదిరిన, అత్యంత నిరాశజనకమైన,  ఏకపక్ష వాణిజ్య 'ఒప్పందం'ను వాస్తవానికి అది అమెరికాకు అనుకూలంగా జరిగిన ఒక ఏకపక్ష బేరసారమే అయినప్పటికీ ప్రధానమంత్రి ఎందుకు అంగీకరించారో ఇప్పుడు స్పష్టమైంది. అలాగే, 2025 మే 10న, అధ్యక్షుడు ట్రంప్ ఒత్తిడికి తలొగ్గి, జాతీయ ప్రయోజనాలకు ప్రాధాన్యత ఇవ్వడానికి బదులుగా, ఆయన 'ఆపరేషన్ సింధూర్'ను ఎందుకు హఠాత్తుగా నిలిపివేశారో కూడా ఇప్పుడు తేటతెల్లమైందని రాహుల్ గాంధీ పేర్కొన్నారు. అదానీపై ఉన్న అవినీతి సంబంధిత ఆరోపణలన్నింటినీ ఉపసంహరించుకోవడానికి ట్రంప్ ప్రభుత్వం ప్రస్తుతం సన్నద్ధమవుతోందని నివేదికలు సూచిస్తున్నాయి. చివరికి ప్రధానమంత్రి ఇంకెంత రాజీ పడతారు? అని రాహుల్ గాంధీ ప్రశ్నించారు.