డాషింగ్ డైరెక్టర్ పూరి జగన్నాథ్, వెర్సటైల్ యాక్టర్ విజయ్ సేతుపతి తొలిసారి ఓ పాన్-ఇండియా సినిమా కోసం చేతులు కలిపిన సంగతి తెలిసిందే. 'పూరి-సేతుపతి' అనే వర్కింగ్‌ టైటిల్‌తో ప్రచారంలో ఉన్న ఈ ప్రాజెక్ట్‌ను జెబి మోషన్ పిక్చర్స్‌ జేబీ నారాయణ్ రావు కొండ్రోల్లా కొలాబరేషన్ లో పూరి కనెక్ట్స్ బ్యానర్‌పై పూరి జగన్నాథ్ నిర్మిస్తున్నారు. చార్మీ కౌర్ సమర్పిస్తున్నారు. ఈ సినిమా గురించి తాజాగా మేకర్స్ బిగ్గెస్ట్ అప్డేట్ ఇచ్చారు.

డైరెక్టర్ పూరీ జగన్నాథ్‌ పుట్టినరోజు సందర్భంగా సెప్టెంబర్ 28న ఈ సినిమా టైటిల్, టీజర్ రిలీజ్ చేస్తున్నట్లు ప్రకటించారు. ప్రస్తుతం ఈ సినిమా షూటింగ్ శరవేగంగా జరుగుతోంది. ఈ చిత్రంలో సంయుక్త మీనన్‌ కథానాయికగా నటిస్తోంది. టబు, విజయ్ కుమార్ కీలక పాత్రల్లో నటిస్తున్నారు. ట్రూ పాన్-ఇండియా ఎంటర్‌టైనర్‌గా దేశవ్యాప్తంగా ప్రేక్షకులను అలరించే లక్ష్యంతో తెలుగు, తమిళం, కన్నడ, మలయాళం, హిందీ ఐదు భాషలలో విడుదల కానుందీ చిత్రం.