ప్రభుత్వ పాఠశాలల్లోనే నాణ్యమైన విద్య

బూర్గంపాడు, జూన్ 12(విజయక్రాంతి) ప్రభుత్వ పాఠశాలల్లోనే నాణ్యమైన విద్య అందుతుందని జిల్లా అకాడమిక్ మానిటరింగ్ అధికారి ఎం.నాగరాజ శేఖర్ అన్నారు. గురువారం బూర్గంపాడు మండలంలోని మారుమూల ప్రాంతమైన బత్తుల నగర్ ప్రా థమిక పాఠశాలలో జరిగిన తల్లిదండ్రుల స మావేశానికి ముఖ్య అతిథిగా పాల్గొన్నారు. ఈ సందర్భంగా ఆయన మాట్లాడుతూ..

ఈ పాఠశాలలో 45మంది పిల్లలు చదువుతుండడం చాలా ఆనందకరమని, ఈ స్ఫూర్తిని ఇదేవిధంగా కొనసాగిస్తూ పాఠశాలను ఆదరించాలని అన్నారు. 1వ తరగతిలో నూత నంగా ప్రవేశం పొందిన విద్యార్థులకు పాఠ్య పుస్తకాలు, ఏకరూప దుస్తులు అందజేశారు. పాఠశాల ఆవరణలో మంచి మొక్కలు నాటి ప్రకృతి హితంగా చేయాలని ప్రధానోపాధ్యాయునికి సూచించారు.

పాఠశాలకు కావలసి న అవసరాలైన శుభ్రపరచబడిన తాగునీటి వసతి, ఆటస్థలం చదును చేయడం వంటి వాటికి ఎఎపీసీ ద్వారా ప్రతిపాదనలు పం పాలని ప్రధానోపాధ్యాయునికి సూచించా రు. ఈ కార్యక్రమంలో పాఠశాల ప్రధానోపాధ్యాయుడు బాలకృష్ణ, సహోపాధ్యాయుడు, గ్రామస్తులు, విద్యార్థుల తల్లిదండ్రులు, పాల్గొన్నారు.