హైదరాబాద్: నగరంలోని పలు ప్రాంతాల్లో గురువారం భారీ వర్షం కురుస్తోంది. ఉప్పల్ పరిసరాల్లో ఊదురుగాలులు, చిరుజల్లులు పడుతున్నాయి. ఉప్పల్ స్టేడియంలో ముందు జాగ్రత్తగా గ్రౌండ్ సిబ్బంది పిచ్ పై కవర్లు కప్పిఉంచారు. ఇవాళ రాత్రి 7గంటలకు సన్ రైజర్స్ హైదరాబాద్ వర్సెస్ గుజరాత్ టైటాన్స్ మధ్య కీలక మ్యాచ్ జరగనుంది.

హైదరాబాద్ ఐపీఎల్ 2024, 17 వ సీజన్ లో ప్లే ఆఫ్ చేరుకోవాలంటే సన్ రైజర్స్ తప్పక మ్యాచ్ గెలివాల్సిఉంది. కీలకమైన మ్యాచ్  వేళ భారీ వర్ష సూచనతో అభిమానుల్లో ఆందోన నెలకొంది. గుజరాత్‌తో హోం గ్రౌండ్‌లో జరగనున్న మ్యాచ్‌లో హైదరాబాద్ గెలిస్తే ఇతర జట్లతో సంబంధం లేకుండా నాకౌట్‌కు వెళ్లిపోతుంది. నగరానికి వర్ష సూచనతో మ్యాచ్ జరుగుతుందా లేదా అనే అనుమానాలు వ్యక్తమవుతున్నాయి. ఇప్పటికే హైదరాబాద్, సికింద్రాబాద్ లోని పలు ప్రాంతాల్లో నేడు భారీ వర్షం కురుస్తోంది.