జైపూర్: కోటి మందికిపైగా పిల్లలకు టీకాలు వేయడానికి రాష్ట్రవ్యాప్త పల్స్ పోలియో డ్రైవ్‌ను రాజస్థాన్ ముఖ్యమంత్రి భజన్‌లాల్ శర్మ ఆదివారం ప్రారంభించారు. రాజస్థాన్ ముఖ్యమంత్రి తన నివాసంలో పిల్లలకు పోలియో చుక్కలు వేయడం ద్వారా రాష్ట్రంలో ఉప-జాతీయ పల్స్ పోలియో ప్రచారాన్ని ప్రారంభించారని అధికారులు తెలిపారు.

రాష్ట్రవ్యాప్తంగా ఉన్న తల్లిదండ్రులందరూ ఐదు సంవత్సరాల కంటే తక్కువ వయస్సు ఉన్న పిల్లలందరికీ నోటి పోలియో టీకా వేయించుకోవాలని శర్మ కోరారు. ఇది కేవలం ఒక ప్రచారం కాదు.. రాబోయే తరాల భవిష్యత్తును భద్రపరిచే దిశగా ఇది ఒక అడుగు అని పేర్కొన్నారు. రెండు చుక్కల వ్యాక్సిన్ పిల్లలను ప్రాణాంతక వ్యాధి నుండి రక్షించగలదని ముఖ్యమంత్రి చెప్పారు.