న్యూఢిల్లీ: రిజర్వ్ బ్యాంక్ ఆఫ్ ఇండియా (Reserve Bank of India) ద్రవ్య విధాన కమిటీ (Monetary Policy Committee) రెపో రేటును 50 బేసిస్ పాయింట్లు తగ్గించింది. ఇది అంచనాల కంటే చాలా ఎక్కువ. ఆర్బీఐ గవర్నర్ సంజయ్ మల్హోత్రా(RBI Governor Sanjay Malhotra) శుక్రవారం నిర్వహించిన మీడియా సమావేశంలో మరోసారి రెపోరేటును తగ్గిస్తున్నట్లు ప్రకటించారు. 50 బేసిక్ పాయింట్లను తగ్గిస్తున్నట్లు వెల్లడించారు. వరుసగా మూడోసారి రెపోరేటును ఆర్బీఐ తగ్గించింది.

ఆర్బీఐ నిర్ణయంతో బ్యాంకు ఈఎంఐలు తగ్గే అవకాశముంది. గృహ, వాహన, వ్యక్తిగత రుణాలపై వడ్డీ రేట్లు తగ్గనున్నాయి. వడ్డీ రేట్లు తగ్గడంతో మార్కెట్ లో ద్రవ్య లభ్యత పెరగనుంది. ఆర్బీఐ తాజా నిర్ణయంతో(RBI's latest decision) రెపోరేటు 5.5 శాతానికి చేరింది. స్టాండింగ్ డిపాజిట్ ఫెసిలిటీ రేటును 5.25 శాతంగా ఉంచింది. మార్జినల్ స్టాండింగ్ ఫెసిలిటీ రేటును 5.75 శాతంగా నిర్ణయించింది. నగదు నిల్వల నిష్పత్తిని 100 బేసిక్ పాయింట్లు తగ్గించింది. రూ. 2.5 లక్షల కోట్ల బ్యాంకు నిధులను ఆర్బీఐ విడుదల చేయనుంది. ద్రవ్యోల్బణం 4 నుంచి 3.7 శాతానికి దిగిరావచ్చని ఆర్బీఐ అంచనా వేసింది. రుతుపవనాల ప్రారంభ ప్రారంభం సానుకూలంగా ఉన్నప్పటికీ, ప్రపంచ అనిశ్చితి కొనసాగుతోంది. "ప్రపంచ వృద్ధి, వాణిజ్య అంచనాలను క్రిందికి సవరించారు. వృద్ధి-ద్రవ్యోల్బణం ట్రేడ్-ఆఫ్ మరింత సవాలుగా మారుతోంది" అని ఆర్‌బిఐ గవర్నర్(RBI Governor) సంజయ్ మల్హోత్రా అన్నారు. ఏఐ, ఇతర ఆవిష్కరణలు ఎదుర్కొంటున్న ప్రపంచ స్పిల్‌ఓవర్, సాంకేతిక సవాళ్ల మధ్య ఆర్థిక స్థిరత్వం ఒక పెద్ద సవాలు అని ఆయన అన్నారు.