భారతదేశ ఆర్థిక వృద్ధి, కార్పొరేట్ ఆదాయాలపై 50 శాతం యుఎస్ సుంకాల(US tariffs) ప్రభావంపై ఉద్రిక్తత మధ్య, భారత రూపాయి అమెరికా డాలర్‌తో(US Dollar ) పోలిస్తే 87.97కి పడిపోయింది. ఈ వారం నుండి అమలు చేయబడుతున్న కొత్త యుఎస్ సుంకాల కారణంగా భారత కరెన్సీ ఒత్తిడిలో ఉంది. అయితే, ఫిబ్రవరిలో దాని మునుపటి ఆల్-టైమ్ కనిష్ట స్థాయి 87.9563 ను అధిగమించి, డాలర్‌తో పోలిస్తే కరెన్సీ 0.4శాతం తగ్గి 87.9763 కు చేరుకుంది. ఈ సంవత్సరం, స్థానిక ఈక్విటీల నుండి నిరంతరం విదేశీ ఉపసంహరణల కారణంగా రూపాయి ఆసియాలో అత్యంత చెత్త పనితీరు కనబరిచిన కరెన్సీగా నిలిచింది. అమెరికా సుంకాలను ప్రధానంగా వస్త్రాలు, పాదరక్షలు, ఆభరణాలు వంటి ఎగుమతి-ఆధారిత పరిశ్రమలను లక్ష్యంగా చేసుకుని పెంచింది.