హైదరాబాద్: హైదరాబాద్ పోలీస్ కమిషనర్(Hyderabad Police Commissioner)గా మంగళవారం నాడు వీ.సీ సజ్జనార్( VC Sajjanar) బాధ్యతలు చేపట్టారు. కమాండ్ కంట్రోల్ సెంటర్ లో సజ్జనార్ బాధ్యతలు స్వీకరించారు. సీపీగా బాధ్యతల స్వీకరణకు ముందు సజ్జనార్ ప్రత్యేక పూజలు చేశారు. తెలంగాణ రాష్ట్ర రోడ్డు రవాణా సంస్థ (Telangana State Road Transport Corporation) మేనేజింగ్ డైరెక్టర్‌గా పదవీ విరమణ చేసిన సీనియర్ ఐపీఎస్ అధికారి సజ్జనార్, రవాణా రంగానికి అధిపతిగా తన చివరి రోజున సోమవారం బస్సులో ప్రయాణించారు. ఆయన ఇతర ప్రయాణికులతో కలిసి లక్డికాపూల్ నుండి బస్సు ఎక్కారు. తెలంగాణ ప్రభుత్వం(Telangana Government) ఇటీవల చేపట్టిన ఐపీఎస్ అధికారుల బదిలీలు, నియామకాలలో సజ్జనార్‌ను హైదరాబాద్ పోలీస్ కమిషనర్‌గా నియమించారు. హోం శాఖ ప్రత్యేక ప్రధాన కార్యదర్శిగా నియమితులైన ఐపీఎస్ అధికారి సీ.వీ. ఆనంద్‌ను పదవి నుండి తప్పించారు.