బీహార్ సీఎంగా సామ్రాట్ చౌదరి ప్రమాణ స్వీకారం

డిప్యూటీ సీఎంలుగా బిజేంద్ర ప్రసాద్, విజయ్ కుమార్

పాట్నా, ఏప్రిల్ 15: బీహార్ సీఎంగా సామ్రాట్ చౌదరి బాధ్యతలు చేపట్టారు. బుధవారం బీహార్ లోక్‌భవన్‌లో గవర్నర్ సయ్యద్ అత హుస్సేన్ ఆయనతో ప్రమాణం చేయించారు. ఈ కార్యక్రమంలో బీజేపీ నాయకులు, మిత్రపక్షాల నాయకులు పాల్గొన్నారు.

ఈయనతో పాటు జేడీ(యూ)కు చెందిన బిజేంద్ర ప్రసాద్ యాదవ్, విజయ్ కుమార్ చౌదరిలు ఉప ముఖ్యమంత్రులుగా ప్రమాణ స్వీకారం చేశారు. రాజ్యసభకు ఎన్నికైన జేడీ(యూ) అధినేత నితీష్ కుమార్ మంగళవారం సీఎం పదవికి రాజీనామా చేశారు. సామ్రాట్ చౌదరికి మాజీ సీఎం నితీష్ కుమార్ శుభాకాంక్షలు తెలిపారు. ప్రమాణ స్వీకారం అనంతరం సీఎం సామ్రాట్ చౌదరి పార్టీ కార్యాలయాన్ని సందర్శించి మీడియాతో మాట్లాడారు. ‘మనం బీహార్ అభివృద్ధి కోసం పనిచేయాలని, కార్యకర్తల మద్దతుతోనే పార్టీ ఏర్పడిందన్నారు.

ఇక బీహార్‌లో మోదీజ నమూనా మాత్రమే పనిచేస్తుందని చెప్పారు. ప్రమాణ స్వీకారానికి ముందు సామ్రాట్ చౌదరి పంచముఖి హనుమాన్ దేవాలయంలో ప్రత్యేక పూజలు నిర్వహించారు. సీఎంగా ఎన్నికైన ఆయనకు ప్రధానమంత్రి నరేంద్ర మోదీ శుభాకాంక్షలు తెలిపారు. ఆయన శక్తి, ప్రజాసేవపట్ల అంకితభావం, అట్టడుగుస్థాయి అనుభవం రాష్ట్రానికి ఎంతో మేలు చేస్తుందన్నారు. ప్రజల ఆకాంక్షలను నెరవేరుస్తూ, బీహార్ అభివృద్ధి చెందుతుందని ప్రధాని మోదీ విశ్వాసం వ్యక్తం చేశారు. సీఎం పదవిని అధిష్ఠించిన సామ్రాట్ చౌదరిని పలువురు అభినందనల్లో ముంచెత్తారు.

FAQ's: