పేరుకే ఉచితం.. రవాణాతో భారం

కరీంనగర్, ఆగస్టు 17 (విజయ క్రాంతి): ఇందిరమ్మ ఇల్లు నిర్మాణానికి ఇసుక కష్టాలు తప్పడం లేదు. ఇందిరమ్మ ఇంటి నిర్మాణానికి ఇసుక ఉచితమని ప్రభుత్వ ప్రకటన బా గానే ఉన్నా క్షేత్రస్థాయిలో ట్రాక్టర్ యజమానులు లబ్ధిదారులను పిండేస్తున్నారు. ఇంది రమ్మ ఇళ్ల నిర్మాణానికి ముందు ట్రిప్పుకు రూ.2,500 నుంచి రూ.3,200 వరకు ఉండగా ప్రభుత్వ ప్రకటన అనంతరం రెట్టింపుస్థాయిలో ధర పలుకుతోంది.

ప్రస్తుతం ఇసుకను ట్రిప్పుకు రూ.4,000కు సరఫరా చేస్తుండగా సన్నపు ఇసుకకు రూ.5వేలకు పైగా వసూలు చేస్తున్నారు. ఇసుక ఉచితమే కదా అని ప్రశ్నిస్తే రవాణా భారమంటూ మాటల గారడీ చేస్తున్నారు వ్యాపారులు. మొన్నటి వరకు ఇంటి నిర్మాణం నిర్దేశించిన కొలతలను మించవద్దని ఆంక్షలు విధించా రు. అది సమసిపోయిందనుకొనేలోగా ఉచి త ఇసుక ఇస్తామని ప్రకటించి, రవాణా ఖ ర్చులు లబ్ధిదారులే భరించాలనడంతో ఆర్థికభారం తప్పడం లేదు.

ఆన్లైన్ లోనే చవక..

ఇందిరమ్మ ఇంటి నిర్మాణదారులకు ప్ర భుత్వం ఉచితంగా ఇసుక అందించేందుకు సిద్ధమైంది. ఒక ఇంటి నిర్మాణం పూర్తయ్యే వరకు 25 క్యూబిక్ మీటర్ల (12 ట్రాక్టర్లు) ఇసుక అవసరమని అధికారులు అంచనా వేశారు. దానికి తగ్గట్లే బేస్మెంట్ వరకు 3, స్లాబ్ లెవెల్ 3, స్లాబ్కు ప్లాస్టింగ్ కలిపి ఆరు ట్రాక్టర్ల కేటాయించాలని నిర్ణయించారు. ఇందుకు గ్రామ కార్యదర్శి,

పురపాలక కమిషనర్ జారీ చేసిన అనుమతి పత్రం తహసీల్దారుకు సమర్పిస్తే దగ్గరలో ఉన్నవాగులో ఉచితంగా ఇసుక తీసుకోవడానికి టోకెన్లు ఇస్తారు. ఇంతవరకు బాగానే ఉన్నా ట్రాక్టర్ అద్దె, లేబర్ కూలీ చూ సి కంగుతినడం లబ్ధిదారుడి వంతవుతోంది. ఆన్లైన్లో ఇసుక బుకింగ్ చేస్తే 3,750 రూపాయలకు ఇంటివద్ద పోస్తారు. అదే ఉచిత ఇసుక మొత్తం రవాణాకు 4500 రూపాయ కు దాటిపోతోందని లబ్దిదారులు ఆవేదన వ్యక్తం చేస్తున్నారు.

జిల్లాల వారీగా... 

కరీంనగర్ జిల్లాకు 8239 ఇండ్లు మం జూరు కాగా 5522 ఇండ్ల నిర్మాణాలకు అనుమతులు పొందారు. ఇందులో 2469 నిర్మాణాల చేపట్టగా బేస్మెంట్ లెవల్లో 2086, గోడల దశలో 185 ఉండగా స్లాబ్ లెవెల్ 178 ఇండ్లు ఉన్నాయి. పెద్దపల్లి జిల్లా కు 9421 ఇండ్లు కేటాయించగా 6018 అనుమతులు పొందాయి. ఇందులో 3891 ని ర్మాణాలు చేపట్టగా 1149 బేస్ మెట్ లెవెల్, 262 గోడల దశలో ఉండగా స్లాబ్ లెవెల్ లో 125 ఉన్నాయి.

జగిత్యాల జిల్లాకు 106 94 ఇండ్లు కేటాయించగా 5327 అనుమతులు పొందాయి. ఇందులో 991 బేస్మెంట్ లెవెల్, ఉండగా 78 ఇండ్లు గోడల దశలో 65 స్లాబ్ లెవల్లో ఉన్నాయి. సిరిసిల్ల జిల్లాకు 8811 కేటాయించగా 5011 అనుమతులు పొందాయి. ఇందులో బేస్మెంట్ లెవల్లో 1485 గోడల దశలో 122 ఉండగా స్లాబ్ లెవెల్‌లో 50ఇండ్లుఉన్నాయి.