ఘనంగా సర్వాయి పాపన్న జయంతి వేడుకలు

మెట్ పల్లి,(విజయక్రాంతి): మెట్ పల్లి పట్టణంలో మంగళవారం సర్వాయి పాపన్న జయంతి వేడుకలు ఘనంగా నిర్వహించడం జరిగింది. ఆయన విగ్రహానికి టీపీసీసీ నేత జువ్వాడి కృష్ణారావు, మున్సిపల్ చైర్మన్ మైలారపు లింబాద్రిలు ​పూలమాలలు వేసి నివాళులు అర్పించారు. ​ఈ సందర్భంగా వారు మాట్లాడుతూ, సమాజంలో అణగారిన వర్గాల హక్కుల కోసం, ఆత్మగౌరవం కోసం సర్వాయి పాపన్న చేసిన పోరాటం చరిత్రలో చిరస్థాయిగా నిలిచిపోతుందని పేర్కొన్నారు.​ఈ కార్యక్రమంలో మున్సిపల్ వైస్ చైర్మన్ ఓంకార్ నవీన్,కమిషనర్ శ్రీనివాస్ గౌడ్, మున్సిపల్ కౌన్సిలర్ లు,స్థానిక ప్రజాప్రతినిధులు, వివిధ పార్టీల నాయకులు, గౌడ కులస్తులు, మున్సిపల్ అధికారులు,సిబ్బంది పాల్గొన్నారు.