01-12-2025 12:00:00 AM
రెండవ విడత నామినేషన్లు ప్రారంభం
కరీంనగర్, నవంబరు 30 (విజయ క్రాంతి): గ్రామ పంచాయతీ ఎన్నికలకు సంబంధించి మొదటి విడత నామినేషన్ల పరిశీలన ఆదివారం రాత్రి 11 గంటల వరకు కొనసాగింది. పరిశీలన అనంతరం మెజార్టీ వార్డులు ఏకగ్రీవమయ్యాయి. రెండవ విడత ఎన్నికల నామినేషన్ల పర్వం ఆదివారం ప్రారంభమయింది. మొదటి రోజు వివిధ గ్రామాల నుంచి భారీగా నామినేషన్లు దాఖలయ్యాయి.
రెండవ విడత నామినేషన్ల ప్రారంభం రోజు కరీంనగర్ జిల్లాలోని 113 గ్రామ పంచాయతీల నుంచి సర్పంచ్ స్థానాలకు 121 నామినేషన్ల దాఖలయ్యాయి. 1046 వార్డులకుగాను 209 నామినేషన్లు మొదటి రోజు దాఖలయ్యాయి, పెద్దపల్లి జిల్లాలో అంతర్గాం మండలంలోని 15 గ్రామ పంచాయతీలకు 12 నామినేషన్లు, ధర్మారం మండలంలోని 29 గ్రామ పంచాయతీలకు 25 నామినేషన్లు, జూలపల్లి మండలంలోని 13 గ్రామ పంచాయతీలకు 22 నామినేషన్లు, పాలకుర్తిలోని 16 గ్రామ పంచాయతీలకు 32 నామినేషన్లు దాఖలయ్యాయి.
మొత్తం 73 పంచాయతీలకు 91 నామినేషన్లు దాఖలయ్యాయి. వార్డు సభ్యులకుగాను రెండవ విడతలో అంతర్గాంలో 126 వార్డులకు 15, ధర్మారంలో 266 వార్డులకు 47, జూలపల్లిలో 230 వార్డులకు 36, పాలకుర్తిలో 150 వార్డులకు 44 నామినేషన్లు, మొత్తం 142 నామినేషన్లు దాఖలయ్యాయి. జగిత్యాల జిల్లాలో రెండవ విడతలో 144 గ్రామ పంచాయతీలకుగాను సర్పంచ్ స్థానాలకు 171 నామినేషన్లు, 1276 వార్డు స్థానాలకుగాను 238 నామినేషన్లు దాఖలయ్యాయి.
సర్పంచ్ స్థానాలకు
-బీర్పూర్ మండలంలో 17
-జగిత్యాల :9
-జగిత్యాల రూరల్ 36
-కొడిమ్యాల 33
-మల్యాల 19
-రాయికల్ 39
-సారంగాపూర్ 18
-వార్డు మెంబర్ స్థానాలకు
-బీర్పూర్ మండలంలో 30
-జగిత్యాల 11
-జగిత్యాల రూరల్ 34
-కొడిమ్యాల 41
-మల్యాల 48
-రాయికల్ 45
-సారంగాపూర్ :29 నామినేషన్ లు దాఖలైనాయి
రాజన్న సిరిసిల్ల జిల్లాలో 88 గ్రామ పంచాయతీలకుగాను 100 నామినేషన్లు దాఖలయ్యాయి. మండలాల వారీగా చూస్తే బోయినపల్లి మండలంలోని 23 సర్పంచ్ స్థానాలకు 36 నామినేషన్లు, ఇల్లంతకుంట మండలంలోని 35 గ్రామ పంచాయతీలకు 36 నామినేషన్లు, తంగళ్లపల్లిలోని 30 గ్రామ పంచాయతీలకు 26 నామినేషన్లు దాఖలయ్యాయి. వార్డులలో మొత్తం 758 వార్డులకుగాను 116 నామినేషన్లు దాఖలయ్యాయి. మండలాల వారీగా చూస్తే బోయినపల్లి మండలంలోని 212 వార్డులకు 32 నామినేషన్లు, ఇల్లంతకుంట మండలంలోని 294 వార్డులకు 46 నామినేషన్లు, తంగళ్లపల్లిలోని 262 వార్డులకు 38 నామినేషన్లుదాఖలయ్యాయి.