జిల్లా వ్యవసాయ శాఖ అధికారి సక్రియ నాయక్

గద్వాల: జోగులాంబ గద్వాల జిల్లా సమీకృత జిల్లా కార్యాలయాల సముదాయంలో గల మినీ కాన్ఫరెన్స్ హాల్ లో జిల్లా వ్యవసాయ శాఖ అధికారి ఆధ్వర్యంలో నూతన విత్తన చట్టం 2025 ముసాయిదా కమిటీ  అవగాహన కార్యక్రమము నిర్వహించడం జరిగిందని జిల్లా వ్యవసాయ శాఖ అధికారి సక్రియ నాయక్ అన్నారు. ప్రొఫెసర్ జయశంకర్ తెలంగాణ వ్యవసాయ విశ్వవిద్యాలయం, జిల్లా వ్యవసాయ శాఖ ఆధ్వర్యంలో అభిప్రాయ సేకరణ  నిర్వహించి ప్రస్తుత వ్యవసాయ సాగు పరిస్థితులకు భారత ప్రభుత్వం నూతన విత్తన చట్టం 2025 ముసాయిదా ప్రతిపాదించడం జరిగింది.

ఈ ప్రతిపాద చట్టం ద్వారా నాణ్యమైన విత్తనాలు, నర్సరీ మొక్కల యొక్క నాణ్యతను సరైన విధంగా నియంత్రించాలని ఉద్దేశంతో ముఖ్యంగా రైతులకు నాణ్యమైన విత్తనాలను పెద్ద ఎత్తున అందించాలని, నాణ్యతా లోపం, నకిలీ విత్తనాలను పూర్తిగా అరికట్టాలని విత్తనాలు దిగుమతిని కూడా సరళీకరించడానికి రైతు హక్కులను పూర్తిగా పరిరక్షించాలనే ఉద్దేశంతో ఈ చట్టాన్ని తీసుకురావడం జరిగిందన్నారు. విత్తన చట్టం అమలు చేయాలనే లక్ష్యంతో వాణిజ్య సరళీకరణ ఏవైనా ఉల్లంఘనలు జరిగినప్పుడు వాటి కారణమైన వారిపై చట్టరీత్య  చర్యలు తీసుకునే విధంగా  నిబంధనలను పొందుపరచడం జరుగుతుందని జిల్లా వ్యవసాయ అధికారి సక్రియ నాయక్ తెలిపారు.

ఈ చట్టాన్ని పార్లమెంటులో ఆమోదించడానికి ముందుగా వివిధ లబ్ధిదారులతో, ప్రయోజనకారులతో చర్చలు చేపట్టి వారి ద్వారానే వచ్చే సలహాలు, సూచనలను తీసుకొని ఈ బిల్లులో మార్పులు చేసి తర్వాత ఆమోదించడం జరుగుతుందని అన్నారు. కేవికె సైంటిస్ట్ సురేష్ మాట్లాడుతూ, ప్రతిపాదిత చట్టంలో మొత్తం పది అధ్యాయాలు, 48 విభాగాలు ఉన్నాయని  అన్నారు. ఈ చట్టంలో కేవలం ప్రభుత్వం ద్వారా గుర్తించిన వివిధ రకాల విత్తనాలు మాత్రమే నియంత్రించ గలిగే అధికారం ఉందని తెలిపారు. ఈ కార్యక్రమంలో జిల్లా ఉద్యానవన శాఖ అధికారి అక్బర్ భాష, వ్యవసాయ అధికారులు, ఆల్ ఇండియా కృతి సంఘం అధ్యక్షులు గద్వాల్ తరఫున జీకే ఈరన్న, ఐజా గట్టు ఎఫ్ పిఓ లు, విత్తన కంపెనీలు, డీలర్లు, తదితరులు పాల్గొన్నారు.