రోడ్డు ప్రమాదాల్లో నలుగురి మృతి

కరీంనగర్, నవంబరు 6 (విజయక్రాంతి): అతివేగం నలుగురు యువకుల ప్రాణాలు బలితీసింది. కరీంనగర్ ఎస్సారార్ కళాశాల ముందు మంగళవారం అర్ధరాత్రి 2 గంటల సమయంలో అతివేగంతో వెళ్తున్న బైక్ లారీని ఢీకొట్టడంతో ఇద్దరు యువకులు మృతిచెందగా, ఒకరు తీవ్రంగా గాయపడ్డారు.

మృ తుల్లో ఒకరు కొత్తపల్లికి చెందిన సాయికృష్ణ, మరొకరు కరీంనగర్ జిల్లా వీణవంక మండలం చల్లూరు గ్రామానికి చెందిన తాండ్ర శ్రీనివాస్ ఉన్నారు. గాయపడిన యువకుడు జగిత్యాల జిల్లా కథలాపూర్ మండ లం తాండ్రియాలకు చెందిన నాగరాజు.

ఇదే రోజు రాత్రి 10 గంటల సమయంలో కరీంనగర్ జిల్లా రామడుగు మండలం షానగర్ వద్ద జరి గిన రోడ్డు ప్రమాదంలో ఇద్దరు యు వకులు మృతిచెందారు. బైక్‌పై అతివేగంతో వెళ్తున్న యువకులను మినీ వ్యాన్ ఢీకొట్టగా రామడుగు మండల కేంద్రానికి చెందిన నీలం అరుణ్, సామంతుల శశిధర్ మృతిచెందారు.