13 July, 2026 | 9:38 PM 
ఘనంగా పెద్దమల్లరెడ్డిలో శ్రీ సీతారాముల కళ్యాణం
27-03-2026 09:51 PM
భిక్కనూర్,(విజయక్రాంతి): భిక్కనూర్ మండలం పెద్దమల్లారెడ్డి గ్రామంలో ఆర్యవైశ్య సంఘ ఆధ్వర్యంలో శ్రీ సీతారాముల కళ్యాణ మహోత్సవం కమనీయంగా, రమణీయంగా నిర్వహించారు. వేద మంత్రోచ్చారణల మధ్య అర్చకులు సంప్రదాయబద్ధంగా కళ్యాణాన్ని నిర్వహించారు. భక్తులు భారీగా హాజరై స్వామివారి దర్శనం చేసుకుని ఆశీర్వాదాలు పొందారు. అనంతరం మహా అన్నదాన కార్యక్రమం నిర్వహించగా భక్తులు పెద్ద సంఖ్యలో పాల్గొన్నారు. ఈ కార్యక్రమంలో గ్రామ పెద్దలు, సంఘ సభ్యులు, మహిళలు, యువకులు పాల్గొన్నారు.
