27 October, 2025 | 11:05 AM
నిలకడ
27-10-2025 02:03:47 AM
నేనెప్పుడూ ఒకేలా ఉంటాను
మనసును మాత్రం
నిలకడగా నిలుపుతూనే ఉంటాను -
కర్మాగారంలో
పనిచేసే కార్మికుడినైనా
పదవి కిరీటం ధరించిన
మహానాయకుడినైనా
మహదానందంలో తేలియాడినా
దుర్భర దుఃఖంలో కొట్టుమిట్టాడినా -
సముద్రమంత ఎదిగినా
వాన చినుకంతై ఒదిగినా
ఉప్పెననై పొంగినా
తెప్పనై నిలిచినా -
అప్పుడూ.. ఇప్పుడూ
నేనెప్పుడూ ఒకేలా ఉంటాను
మనసును మాత్రం
నిలకడగా నిలుపుతూనే ఉంటాను
