అక్రమంగా ఇసుక తరలిస్తే చర్యలు తప్పవు

ఎస్‌ఐ తిరుప్పాజీ 

కోయిలకొండ, మార్చి 30 : అక్రమంగా ఇసుక తరలిస్తే కఠిన చర్యలు తీసుకుంటామని ఎస్త్స్ర తిరుప్పాజి అన్నారు. మండలంలో కొత్తలాబాద్, మల్లాపూర్ గ్రామ శివారులో ఆదివారం అర్ధరాత్రి ఇసుక కొడుతున్నారని సమాచారం రావడంతో అక్రమంగా తరలిస్తున్న ఇసుక ట్రాక్టర్ను పోలీస్ స్టేషన్కు తరలించినట్లు ఎస్త్స్ర తెలిపారు. అర్ధరాత్రి ఎవరు చూడడం లేదని ఎవరు పడితే వారు అక్రమంగా ఇసుక తరలింపు కు పాల్పడితే వదిలిపెట్టబోమని పూర్తిస్థాయిలో దర్యాప్తు చేసి చర్యలు తీసుకుంటామని హెచ్చరించారు.

ముందస్తుగా సమాచారం ఇవ్వడం జరుగుతుందని ఎట్టి పరిస్థితుల్లో వాగుల్లోకి ఇసుక ట్రాక్టర్లు వెళ్లకూడదని స్పష్టం చేశారు. అనుమతి తప్పనిసరిగా తీసుకుంటేనే నియమ నిబంధనలు పాటించి ఇసుక రవాణా చేయాలని లేనియెడల కేసులు పెట్టడం ఖాయమని హెచ్చరించారు. అక్రమంగా ఇసుక తరలింపులకు పాల్పడితే 100కు కాల్ చేయాలని తక్షణమే పోలీస్ సిబ్బంది అక్కడికి వచ్చి అక్రమంగా ఇసుక తరలిస్తున్న వారిపై కేసులు నమోదు చేయడంతో పాటు తగిన చర్యలు తీసుకుంటామని తెలిపారు.