దేవాలయాల నిర్మాణంతో ఆధ్యాత్మిక భావన పెంపొందుతుంది

మంత్రి కోమటిరెడ్డి

నల్లగొండ టౌన్, ఏప్రిల్ 29: దేవాలయాల నిర్మాణంతో ఆధ్యాత్మికత భావన పెంపొందడంతోపాటు ఐక్యత భావం అభివృద్ధి చెందుతుందని మంత్రి కోమటిరెడ్డి వెంకట్ రెడ్డి అన్నారు. బుధవారం పట్టణంలోని 41వ డివిజన్ పద్మావతి కాలనీలోని పార్కులో శ్రీ పద్మావతి సమేత శ్రీ వెంకటేశ్వర స్వామి దేవాలయ నిర్మాణానికి వేదమంత్రోచరణతో శంకుస్థాపన చేశారు.

అనంతరం అయన మాట్లాడుతూ దేవాలయ నిర్మాణం ఆ ప్రాంత ప్రజల ఆధ్యాత్మిక భావాలను మరింత బలపరుస్తుందని తెలిపారు. సమాజంలో ఐక్యత, శాంతి, సౌభ్రాతృత్వం పెంపొందించడంలో ఇలాంటి ధార్మిక కేంద్రాలు కీలక పాత్ర పోషిస్తాయని అన్నారు. ఈ కార్యక్రమంలో మేయర్ బుర్రి చైతన్య, శ్రీనివాస్ రెడ్డి మాజీ వైస్ చైర్మన్ రమేష్ గౌడ్ కార్పొరేటర్ కేసాని కవిత వేణుగోపాల్ రెడ్డి అబ్బాగోని కవిత తదితరులు పాల్గొన్నారు.