పరమపద సోపానం వచ్చేది అప్పుడే

‘అర్ధనారి’, ’తెప్ప సముద్రం’ ‘వెడ్డింగ్ డైరీస్’ వంటి వైవిధ్యమైన సినిమాలతో హీరోగా గుర్తింపు తెచ్చుకున్న అర్జున్ అంబటి హీరోగా రూపొందిన కొత్త సినిమా ‘పరమపద సోపానం’. ఈ చిత్రంలో జెన్నిఫర్ ఇమ్మాన్యుయేల్ కథానాయికగా నటించింది. స్వయంభూ క్రియేషన్స్ పతాకంపై గణపర్తి నారాయణరావు, తేలప్రోలు ప్రసన్నాంజనేయులు సంయుక్తంగా నిర్మించారు.

స్టార్ డైరెక్టర్ పూరి జగన్నాథ్ వద్ద అసిస్టెంట్ డైరెక్టర్‌గా పనిచేసిన నాగశివ ఈ చిత్రానికి కథ, మాటలు, స్క్రీన్‌ప్లే, దర్శకత్వ బాధ్యతలు నిర్వర్తించారు. పోస్ట్ ప్రొడక్షన్స్ పనులన్నీ పూర్తి చేసుకున్న ఈ చిత్రం ఏప్రిల్ 24న ప్రేక్షకుల ముందుకు రానుంది.

విడుదల తేదీని ప్రకటిస్తూ తాజాగా చిత్రబృందం రిలీజ్ చేసిన పోస్టర్‌లో హీరో అర్జున్ అంబటి లుక్ ఇంటెన్స్ ఫీల్ కలిగిస్తోంది. ఈ చిత్రానికి సంగీతం: డేవ్ జాండ్; డీవోపీ: ఈశ్వర్; నిర్మాతలు: గణపర్తి నారాయణరావు, తేలప్రోలు ప్రసన్నాంజనేయులు; దర్శకత్వం: నాగశివ.