3 July, 2026 | 11:16 PM 
అలా చేస్తేనే చాన్స్ ఇస్తామని చెప్పారు!
‘దేవుళ్ళు’ సినిమాతో బాలనటిగా బాగా నేమ్ ఫేమ్ సొంతం చేసుకుంది నిత్యాశెట్టి. ఆ ఒక్క చిత్రమే కాదు.. ‘అంజి’, ‘చిన్ని చిన్ని ఆశ’, ‘లిటిల్ హార్ట్స్’, ‘మాయ’ లాంటి సినిమాల్లోనూ చైల్డ్ ఆర్టిస్ట్గా మెప్పించింది. అంతేకాదు బాలనటిగా ఉన్నప్పుడే నంది అవార్డునూ సొంతం చేసుకుంది. కట్ చేస్తే.. కాలం గిర్రున తిరిగి.. నిత్యాశెట్టి హీరోయిన్గా మారి, కీలక పాత్రల్లో నటిస్తోంది. తాజాగా ఓ యూట్యూబ్ ఛానల్కు ఇచ్చిన ఇంటర్వ్యూలో తన కెరీర్ గురించి ఆసక్తికర విషయాలను పంచుకుంది.
‘నేను చైల్డ్ ఆర్టిస్ట్గా ఇండస్ట్రీకి సుపరిచితు రాలినే కదా.. హీరోయిన్గా పిలిచి ఛాన్సులు ఇచ్చేస్తారులే అనుకున్నా. ఇన్ఫోసిస్లో జాబ్ మానేసి సినిమాల్లో అవకాశాల కోసం చాలా ఆడిషన్స్ ఇచ్చా. ఓ ఆడిషన్లో నా ముక్కు చిన్నగా ఉందని రిజెక్ట్ చేశారు.. సర్జరీ చేసుకొని వస్తే ఛాన్స్ ఇస్తామన్నారు. ఇంకోసారి ‘దేవుళ్ళు’ పాప కదా.. హీరోయిన్గా సెట్ అవ్వదు అన్నారట. ఇంకోసారి నేను కొంచెం నల్లగా ఉన్నానని..
ఫెయిర్గా లేనని కామెంట్ చేశారు. ‘ఓ పిట్టకథ’ సినిమా అప్పుడు కూడా ఇలాంటి పరిస్థితే ఎదురైంది. డైరెక్టర్ నన్ను ఓకే చేసినా నిర్మాతలు లావుగా ఉన్నానని పెదవి విరిచారు. ఓకే చేసేశారు కదా అని షూటింగ్కి వెళ్లే గ్యాప్లో ఛాలెంజ్గా తీసుకొని 20 రోజుల్లో ఆరు కిలోలు తగ్గి చూపించా. హీరోయిన్గా నాకు గుర్తింపు తెచ్చిన సినిమా అదే” అని తెలిపింది నిత్యాశెట్టి.
