హైదరాబాద్:  ఇందారం గ్రామం వద్ద మంచిర్యాల-హైదరాబాద్(Mancherial-Hyderabad) రాష్ట్ర రహదారిపై సోమవారం తెల్లవారుజామున వేగంగా దూసుకొచ్చిన జీపు ఆగి ఉన్న లారీని ఢీకొన్న దుర్ఘటనలో ముగ్గురు వ్యవసాయ కూలీలు అక్కడికక్కడే మృతి చెందగా, మరో పదకొండు మంది గాయపడ్డారు. బాధితుల గుర్తింపు ఇంకా నిర్ధారించాల్సి ఉందని పోలీసులు తెలిపారు. గాయపడిన కూలీలను మంచిర్యాల పట్టణంలోని ప్రభుత్వ జనరల్ ఆసుపత్రికి(Government General Hospital) తరలించారు.  జీపు డ్రైవర్ నిర్లక్ష్యంగా వాహనం నడపడమే ఈ ప్రమాదానికి కారణమని అనుమానిస్తున్నారు. ప్రమాదం జరిగిన సమయంలో మహారాష్ట్రకు చెందిన ఇరవై మూడు మంది వ్యవసాయ కూలీలు వరి నారు నాటడానికి కరీంనగర్ జిల్లాకు వెళ్తున్నారు. స్థానికుల సమాచారంతో ఘటనాస్థలికి చేరుకున్న పోలీసులు కేసు నమోదు చేసుకుని మృతదేహాలను పోస్టుమార్టం నిమిత్తం మార్చురీకి తరలించారు అనంతరం దర్యాప్తు చేస్తున్నారు.