రాజ్‌కోట్: గుజరాత్‌లోని రాజ్‌కోట్ జిల్లాలో(Rajkot District) శనివారం హైవేపై(Gujarat highway) ఎస్‌యూవీ బోల్తా పడటంతో ఇంజనీరింగ్ కళాశాలకు చెందిన ముగ్గురు విద్యార్థులు(Engineering Students) మృతి చెందగా, మరో ఎనిమిది మంది గాయపడ్డారని పోలీసులు తెలిపారు. జస్దాన్ తాలూకాలోని జంగ్వాడ్ గ్రామ సమీపంలో తెల్లవారుజామున 1.30 గంటల ప్రాంతంలో విద్యార్థుల బృందం డయ్యూకు ప్రయాణిస్తుండగా ఈ ప్రమాదం జరిగిందని ఒక అధికారి తెలిపారు. మృతులను ఆంధ్రప్రదేశ్‌కు చెందిన నరేష్ కొడవటి (19), మోతి హర్ష (17), అఫ్రిద్ సయ్యద్ (17)గా గుర్తించినట్లు అత్కోట్ పోలీస్ స్టేషన్ ఇన్‌స్పెక్టర్ ఆర్ ఎస్ సకారియా తెలిపారు.

"రాజ్‌కోట్‌లోని ఆర్‌కె విశ్వవిద్యాలయం నుండి 12 మంది విద్యార్థుల బృందం సెలవుల కోసం అద్దెకు తీసుకున్న ఎస్ యూవీలో తీరప్రాంత పట్టణం డయ్యూకు ప్రయాణిస్తోంది" అని ఆయన పేర్కొన్నారు. వాహనం నడుపుతున్న విద్యార్థుల్లో ఒకరు వంపు వద్ద వాహనంపై నియంత్రణ కోల్పోయారని, రాష్ట్ర రహదారిపై వాహనం బోల్తా పడి ముగ్గురు మృతి చెందారని అధికారి తెలిపారు. గాయపడిన ఎనిమిది మంది విద్యార్థులలో, ఇద్దరికి ఎముకలు విరిగిపోయాయని, చికిత్స తర్వాత వారిని డిశ్చార్జ్ చేశామని, మృతుల మృతదేహాలను పోస్టుమార్టం కోసం రాజ్‌కోట్ సివిల్ ఆసుపత్రికి తరలించినట్లు అధికారి తెలిపారు.