జీఎస్పీ రాష్ట్ర కార్యదర్శి పూనెం సాయి

వెంకటాపురం(నూగూరు), నవంబర్ 30(విజయక్రాంతి): వెంకటాపురం మండలం కొమరం భీం కాలనీలో ఆదివాసీల సమీక్ష సమావేశం లక్ష్మయ్య అధ్యక్షతన ఆదివారం జరిగింది. ఈ సమావేశంలో జి ఎస్ పి రాష్ట్ర కార్యదర్శి పూనెం సాయి దొర మాట్లాడుతూ స్థానిక సర్పంచ్ ఎన్నికలలో ఆదివాసి యువతే బరిలో నిలవాలని ఆదివాసి యువతకు ఈ సందర్భంగా పిలుపునిచ్చారు. రాజకీయ పార్టీల మాయ మాటలు నమ్మి 70 ఏళ్లుగా ఆదివాసీలు మోసపోతూనే ఉన్నారని ఆయన మండిపడ్డారు.

1976 సంవత్సరంలో ఓటు బ్యాంకు కోసం లంబాడీలను ఎస్టీ జాబితాలో కలిపి ఆదివాసీలకు తీరని అన్యాయం చేసిన కాంగ్రెస్ పార్టీకి ఓట్లు వేయాలా? లేక పోతే గత ప్రభుత్వం (బి ఆర్ ఎస్) పార్టీ ఏకంగా గిరిజనేతరుల 9 కులాలను ఎస్టీ జాబితాలో కలుపుతామని కెసిఆర్ అసెంబ్లీ తీర్మానం చేసిన బిఆర్‌ఎస్ పార్టీ కి ఓట్లు వేయాలా? అని ఆయన రాజకీయ పార్టీలను సూటిగా ప్రశ్నించారు. గత ప్రభుత్వం బిఆర్‌ఎస్ ఉన్నప్పుడు ఎస్టీ జాబితా లో 9 కులాలను కలుపుతామని తీర్మానం చేసిన తీర్మాణాన్ని రద్దు చేయాలని డిమాండ్ చేశారు.

అందుకే రాజకీయ పార్టీలకు వ్యతిరేకంగా స్వతంత్ర అభ్యర్థులుగా సర్పంచ్ ఎన్నిక లో ఆదివాసి యువత బరిలో నిలవాలని ఆయన అన్నారు. ఎస్టీ జాబితా నుండి లంబాడీలను తొలగిస్తామని రాజకీయ పార్టీల మేనిఫెస్టో చేర్చాలని ఆయన డిమాండ్ చేశారు. కొమరం భీం కాలనీ ఆదివాసీల భూ సమస్యను తక్షణమే పరిష్కరించాలని లేదంటే రాజకీయ పార్టీలను బహిష్కరిస్తామని ఆయన హెచ్చరించారు. ఈ సమావేశంలో తాటి రాజేష్, గోపి, మంగయ్య, భీమయ్య,తదితరులు పాల్గొన్నారు.