వాషింగ్టన్: అమెరికా అధ్యక్షుడు డొనాల్డ్ ట్రంప్(Donald Trump) సంచలన వ్యాఖ్యలు చేశారు. ట్రంప్ పరిపాలన ఆఫ్ఘనిస్తాన్‌లోని బాగ్రామ్ ఎయిర్‌ఫీల్డ్‌ను(Bagram Air Base) స్వాధీనం చేసుకునేందుకు చర్చలు జరుపుతోందని అమెరికా అధ్యక్షుడు డొనాల్డ్ ట్రంప్ ప్రకటించారు. ట్రంప్ రెండు రోజుల యూకే పర్యటన ముగింపులో ప్రధాన మంత్రి కీర్ స్టార్మర్ అధికారిక దేశ నివాసం అయిన చెకర్స్‌లో ఇద్దరు నాయకులతో కలిసి జరిగిన సంయుక్త విలేకరుల సమావేశంలో ట్రంప్ ఈ వ్యాఖ్యలు చేశారు. ఆఫ్ఘనిస్తాన్‌లోని బాగ్రామ్ వైమానిక స్థావరాన్ని తిరిగి ఆక్రమించాలనే అధ్యక్షుడు ట్రంప్ ఆ దేశంపై తిరిగి దండయాత్ర చేసేలా ఉన్నాడని దీనికి 10,000 మందికి పైగా సైనికులు, అధునాతన వైమానిక రక్షణ దళాల మోహరింపు అవసరమని ప్రస్తుత, మాజీ అమెరికా అధికారులు అంటున్నారు. చైనా అణ్వాయుధ ఉత్పత్తి కేంద్రాలకు బాగ్రామ్ దగ్గరగా ఉందని ట్రంప్ వెల్లడించారు. చైనాకు దగ్గరలో ఉన్నందున స్వాధీనం చేసుకోవాలని అనుకుంటున్నట్లు పేర్కొన్నారు.