కెనడాపై 35 శాతం సుంకం విధించిన ట్రంప్‌

వాషింగ్టన్: అమెరికా అధ్యక్షుడు డొనాల్డ్ ట్రంప్(US President Donald Trump) కెనడాపై 35శాతం సుంకాన్ని విధిస్తున్నట్లు ప్రకటించారు. ఇతర వాణిజ్య భాగస్వాములపై ​​15శాతం, 20శాతం సుంకాలను విధించాలని యోచిస్తున్నట్లు తెలిపారు. మాతో కలిసి పని చేయడానికి బదులు కెనడగా ప్రతికార సుంకాలు విధిస్తోందని ట్రంప్ మండిపడ్డారు. తన సోషల్ మీడియా ప్లాట్‌ఫామ్‌లో విడుదల చేసిన ఒక లేఖలో, ట్రంప్ కెనడా ప్రధాన మంత్రి మార్క్ కార్నీకి కొత్త రేటు ఆగస్టు 1 నుండి అమల్లోకి వస్తుందని, కెనడా ప్రతీకారం తీర్చుకుంటే పెరుగుతుందని చెప్పారు. ఇటీవలి రోజుల్లో ట్రంప్ తన వాణిజ్య యుద్ధాన్ని విస్తృతం చేశారు.

మిత్రదేశాలైన జపాన్, దక్షిణ కొరియాతో సహా అనేక దేశాలపై కొత్త సుంకాలను విధించారు. రాగిపై 50శాతం సుంకాన్ని విధించారు. గురువారం ప్రచురితమైన ఎన్బీసీ న్యూస్‌కు ఇచ్చిన ఇంటర్వ్యూలో, అటువంటి లేఖలు ఇంకా అందుకోని ఇతర వాణిజ్య భాగస్వాములు పూర్తి సుంకాలను ఎదుర్కోవలసి ఉంటుందని ట్రంప్ అన్నారు. "ప్రతి ఒక్కరూ లేఖ పొందాల్సిన అవసరం లేదు. మీకు అది తెలుసు. మేము మా సుంకాలను మాత్రమే నిర్ణయిస్తున్నాము" అని ట్రంప్ ఇంటర్వ్యూలో అన్నారు. మిగిలిన దేశాలన్నీ చెల్లించబోతున్నాయని మేము చెప్పబోతున్నాం, అది 20శాతం, 15శాతం అయినా. మేము ఇప్పుడు దాన్ని పరిష్కరిస్తాము" అని ట్రంప్ చెప్పినట్లు నెట్‌వర్క్ పేర్కొంది.