విద్యుత్ షాక్ తో ఇద్దరు రైతులు మృతి

హైదరాబాద్: నాగర్ కర్నూల్ జిల్లా(Nagarkurnool )లో విషాదం చోటుచేసుకుంది. విద్యుత్ షాక్(Electric shock) తో ఇద్దరు రైతులు మృత్యువాత పడ్డారు. బుధవారం సాయంత్రం చేదురుబావి తాండాలో విద్యుత్ పంపును మరమ్మతు చేయడానికి ప్రయత్నిస్తుండగా ఇద్దరు రైతులు విద్యుదాఘాతానికి గురయ్యారు. వారి కుటుంబ సభ్యులు బావిలో తేలుతున్న మృతదేహాలను గమనించి, వెతికి పట్టుకున్నారని నాగర్ కర్నూల్ పోలీసులు(Nagar Kurnool Police) తెలిపారు. 

రైతులు కట్రావత్ లుక్యా, ముదవత్ కుమార్ బుధవారం పంటకు నీరు పెట్టడానికి తమ పొలాలకు వెళ్లారు. విద్యుత్ పంపు పనిచేయకపోవడంతో వారు బావిలోకి దిగి, దానిని మరమ్మతు చేయడానికి ప్రయత్నిస్తుండగా విద్యుత్ షాక్ తగిలి మరణించారు. ఆ ఇద్దరు ఇంటికి తిరిగి రాకపోవడంతో, వారి కుటుంబ సభ్యులు వెతుకులాట ప్రారంభించారు. తరువాత మృతదేహాలు బావిలో తేలుతున్నట్లు గుర్తించారు. ఈ ఘటనపై కేసు నమోదు చేసుకున్న పోలీసులు మృతదేహాలను పోస్టుమార్టం నిమిత్తం మార్చురీకి తరలించారు. అనంతరం కేసు దర్యాప్తు చేస్తున్నారు.