యూనిఫాం సకాలంలో అందించాలి

కలెక్టర్ నారాయణ రెడ్డి

వికారాబాద్, జూన్ 7 (విజయక్రాంతి): ప్రభుత్వ పాఠశాలల విద్యార్థులకు యూనిఫాం సకాలంలో అందించాలని కలెక్టర్ సీ నారాయణ రెడ్డి అధికారులను ఆదేశించారు. శుక్రవారం కలెక్టర్ కార్యాలయంలో స్వయం సహాయక సంఘాల సభ్యులతో తయారు చేయించిన యూనిఫామ్స్‌ను అదనపు కలెక్టర్ రాహుల్ శర్మ, జిల్లా విద్యాధికారి రేణుకాదేవితో కలిసి పాఠశాలల ప్రధానోపాధ్యాయులకు అందజేశారు. ఈ సందర్భంగా కలెక్టర్ మాట్లాడుతూ.. స్కూల్ యూనిఫామ్స్‌ను మహిళా సంఘాల సభ్యులు నాణ్యతతో తయారు చేసినట్లు తెలిపారు. ఈ సందర్భంగా వారిని అభినందించారు. యూనిఫామ్స్ 10వ తేదీలోపు అన్ని పాఠశాలలకు చేర్చాలని డీఈవోకు సూచించారు.