- సిద్దిపేట ఏసీపీ రవీందర్ 

- బెజ్జంకిలో ఫ్లాగ్ మార్చ్

బెజ్జంకి: పౌరులందరూ నిర్భయంగా ఓటు హక్కును వినియోగించుకోవాలని సిద్దిపేట ఏసీపీ రవీందర్ సూచించారు. స్థానిక సంస్థల ఎన్నికల నేపథ్యంలో సిద్దిపేట పోలీస్ కమిషనర్ విజయకుమార్ ఆదేశానుసారం పోలీసులు శనివారం బెజ్జంకిలో ఫ్లాగ్ మార్చ్ నిర్వహించారు. ఈ సందర్భంగా ఏసీపీ మాట్లాడుతూ, ఎలాంటి భయాలు, ప్రలోభాలకు లొంగకుండా ప్రతిఒక్కరూ ఓటు హక్కును సద్వినియోగం చేసుకోవాలన్నారు. ఎన్నికల పట్ల ప్రజలకు అవగాహన కల్పించడం, వంద శాతం పోలింగ్ సాధించే లక్ష్యంతో ఈ ఫ్లాగ్ మార్చ్ నిర్వహించినట్టు చెప్పారు. శాంతిభద్రతలకు ఎలాంటి విఘాతం కలగకుండా, పటిష్టమైన భద్రత ఏర్పాట్లు చేశామని తెలిపారు. ఫ్లాగ్ మార్చ్‌లో సిద్దిపేట రూరల్ సర్కిల్ ఇన్స్పెక్టర్ శ్రీను, బెజ్జంకి ఎస్సై సౌజన్య, పోలీసు సిబ్బంది పాల్గొన్నారు.