స్ట్రీట్ కాస్ ఆధ్వర్యంలో వాటర్ ప్లాంట్ ఏర్పాటు

మహబూబాబాద్,(విజయక్రాంతి): మహబూబాబాద్ జిల్లా కేసముద్రం మండలం ఉప్పరపల్లి గ్రామంలో స్ట్రీట్ కాస్ సంస్థ ఆధ్వర్యంలో ఏర్పాటుచేసిన వాటర్ ప్లాంట్ ను సంస్థ ప్రతినిధులు కటికనెని నిహల్ కృష్ణ (చీఫ్ అడ్వైసర్ స్ట్రీట్ కాస్), ధ్రువ్ నారాయణ్ (చీఫ్ మెంటార్), సుజిత ,జయంత్, విష్ణు చేతుల మీదుగా ప్రారంభించారు. ఉప్పరపల్లి గ్రామంలో మంచి నీటి సమస్య పరిష్కారాన్ని  స్ట్రీట్ కాస్ ద్వారా 1 లక్ష 50 వేల రూపాయల విలువైన మినరల్ వాటర్ ప్లాంట్ ఏర్పాటు చేశారు. ఈ కార్యక్రమంలో ఉప్పరపల్లి గ్రామవాటర్ ప్లాంట్ కమిటీ బాధ్యలు సంకు శ్రీనివాస్ రెడ్డి, షాగంటి రాములు, కంది వెంకన్న , పబ్బతి నారాయణమ్మ , జోగు యాదమ్మ , గ్రామ మాజీ సర్పంచి మహేశ్వరచారి, మాజీ ఉప సర్పంచ్ ఏర్పుల యాకయ్య పాల్గొన్నారు.