కోదాడ, ఫిబ్రవరి 27 : కోదాడ పట్టణంలోని ప్రభుత్వ ఆసుపత్రికి మఠంపల్లి వివేకవర్ధని పాఠశాలకు చెందిన 1996 పదవ తరగతి బ్యాచ్ పూర్వ విద్యార్థులు శుక్రవారం స్ట్రక్చర్, 2 వీల్ చైర్లను బహుకరించారు. సూపర్డెంట్ దశరథకు వీటిని అందజేశారు. ఈ సందర్భంగా సూపర్డెంట్ దశరధ మాట్లాడుతూ ఆసుపత్రికి వచ్చే నిరుపేద రోగులకు ఇవి ఎంతో ఉపయోగపడతాయని, పూర్వ విద్యార్థుల చొరవ అభినందనీయమని కొనియాడారు. ఈ కార్యక్రమంలో డాక్టర్ నరసింహ, ఆసుపత్రి సిబ్బంది పూర్వ విద్యార్థులు పల్లె బాబు,రూబెన్, చలమారెడ్డి, సతీష్ కుమార్ తదితరులు పాల్గొన్నారు.