అగ్ర కథానాయకుడు కమల్‌హాసన్ కీలక పాత్రలో నటిస్తున్న తాజాచిత్రం ‘థగ్‌లైఫ్’. మణిరత్నం దర్శకత్వంలో రూపొందిన ఈ సినిమాలో శింబు, త్రిష, అభిరామి కీలక పాత్రల్లో కనిపించనున్నారు. 1987లో ‘నాయకన్’తో హిట్ అందుకున్న కమల్-మణిరత్నం కాంబోలో సుదీర్ఘ కాలం తర్వాత వస్తున్న చిత్రం కావటంతో ఈ సినిమాపై భారీ అంచనాలున్నాయి.

జూన్ 5న ప్రేక్షకుల ముందుకు రానుందీ మూవీ. ఈ నేపథ్యంలో ఈ చిత్రం నుంచి ‘విశ్వవద నాయక..’ అంటూ సాగే లిరికల్ సాంగ్‌ను చిత్రబృందం తాజాగా విడుదల చేసింది. ఏఆర్ రెహమాన్ సంగీత సారథ్యంలో అలెగ్జాండ్రా జాయ్ ఆలపించిన ఈ పాటకు అనంత్ శ్రీరామ్ సాహిత్యం అందించారు.