శబరిమలలో సౌత్ ఇండియన్ బ్యాంక్‌ ఈ-కనిక్క సౌకర్యం

21-11-2026 | 05:05am

శబరిమల: శబరిమల మండల-మకరవిళక్కు తీర్థయాత్ర సీజన్‌ను దృష్టిలో ఉంచుకుని సౌత్ ఇండియన్ బ్యాంక్‌(South Indian Bank) భక్తుల కోసం పలు డిజిటల్‌ సేవలను అందుబాటులోకి తీసుకొచ్చింది. ట్రావెన్‌కోర్‌ దేవస్థానం బోర్డుతో కలిసి తీసుకువచ్చిన  ఈ సదుపాయాలలో భాగంగా సన్నిధానంలో ఏర్పాటు చేసిన అరవణ వెండింగ్‌ మెషీన్‌ను దేవస్థానం బోర్డు అధ్యక్షుడు కె. జయకుమార్‌ (రిటైర్డ్‌ ఐఏఎస్‌) ప్రారంభించారు. ఈ యంత్రం ద్వారా భక్తులు స్వయంచాలక విధానంలో అరవణ ప్రసాదాన్ని కొనుగోలు చేయవచ్చు.

ఈ ప్రారంభోత్సవ కార్యక్రమంలో సౌత్ ఇండియన్ బ్యాంక్‌కు చెందిన డిజిఎం , గవర్నమెంట్ బిజినెస్ హెడ్ రంజిత్ ఆర్. నాయర్;  ఏజిఎం, తిరువనంతపురం రీజినల్ హెడ్ జాన్ సిరియాక్; తిరువనంతపురం మెయిన్ క్లస్టర్ హెడ్ రతీష్ పి., గవర్నమెంట్ బిజినెస్ చీఫ్ మేనేజర్ ప్రేమ్‌లాల్ ఆర్. ఎస్. పాల్గొన్నారు. భక్తులు ప్రసాదాన్ని బుక్ చేసుకోవడం కోసం బ్యాంకు వారు సన్నిధానంలో ప్రత్యేక ఈ-కియోస్క్‌లను ఏర్పాటు చేశారు; బుక్ చేసుకున్న ప్రసాదాన్ని నిర్ణీత కౌంటర్ల వద్ద తీసుకోవచ్చు. భక్తులు డిజిటల్‌గా కానుకలు సమర్పించేందుకు వీలుగా, డిజిటల్ చెల్లింపు కౌంటర్లు , క్యూఆర్ కోడ్ ఆధారిత ఇ-కనిక్క సౌకర్యం కూడా అందుబాటులోకి తీసుకురాబడ్డాయి.

ఈ సేవలు కొచ్చిన్ అంతర్జాతీయ విమానాశ్రయం వరకు విస్తరించాయి. ఇక్కడ భక్తులు డిజిటల్ కియోస్క్ ద్వారా 'అప్పం' మరియు 'అరవణ'లను ముందుగానే బుక్ చేసుకోవచ్చు, అలాగే ఈ-కానుకలను సమర్పించవచ్చు. కొచ్చిన్ ఇంటర్నేషనల్ ఎయిర్‌పోర్ట్ లిమిటెడ్ (సిఐఏఎల్ ) , ట్రావెన్‌కోర్ దేవస్వం బోర్డుల సహకారంతో ఏర్పాటు చేసిన ఈ సౌకర్యం ద్వారా భక్తులు విమానాశ్రయంలోనే ప్రసాదాన్ని బుక్ చేసుకుని, సన్నిధానంలోని సౌత్ ఇండియన్ బ్యాంక్ కౌంటర్ల వద్ద వాటిని పొందవచ్చు. ఈ కార్యక్రమాల ద్వారా, సౌత్ ఇండియన్ బ్యాంక్ శబరిమల యాత్రలోని వివిధ దశలలో డిజిటల్ చెల్లింపు , బుకింగ్ సౌకర్యాలను అందుబాటులోకి తెస్తోంది. తద్వారా భక్తులకు అవసరమైన సేవలను మరింత సులభతరం చేయడంతో పాటు, వార్షిక యాత్రను నిర్వహించేందుకు ట్రావెన్‌కోర్ దేవస్వం బోర్డు చేస్తున్న ప్రయత్నాలకు కూడా మద్దతునిస్తోంది.

మరిన్ని వార్తలు