రైతు కష్టానికి తగిన మద్దతు ధర అందిస్తాం

గణపురం, నవంబర్ 15 (విజయక్రాంతి): రైతులు పండించిన ప్రతి ధాన్యపు గింజకు మద్దతు ధర (Minimum Support Price) అందించడమే ప్రభుత్వ లక్ష్యమని భూపాలపల్లి ఎమ్మెల్యే గండ్ర సత్యనారాయణ రావు అన్నారు. ఆదివారం గణపురం మండలం బుర్రకాయలగూడెంలో ఏర్పాటు చేసిన వరి కొనుగోలు కేంద్రాన్ని (Paddy Procurement Centre) ఆయన ప్రారంభించారు. ఈ సందర్భంగా ఎమ్మెల్యే మాట్లాడుతూ.. రైతులకు ఎలాంటి ఇబ్బందులు కలగకుండా ధాన్యం కొనుగోలు ప్రక్రియ సజావుగా నిర్వహించాలని అధికారులను ఆదేశించారు. ధాన్యం తేమ శాతం, నాణ్యత, తూకం విషయంలో పారదర్శకత (Transparency) పాటించాలని, రైతుల నుంచి ఎలాంటి అక్రమ వసూళ్లకు తావులేకుండా చూడాలని సూచించారు.

కొనుగోలు చేసిన ధాన్యానికి సకాలంలో నగదు చెల్లింపులు జరిగేలా అధికారులు సమన్వయంతో పనిచేయాలని అన్నారు. రైతు సంక్షేమమే ప్రజా ప్రభుత్వ లక్ష్యమని, రైతుల కష్టానికి తగిన గౌరవం, మద్దతు ధర కల్పించేందుకు ప్రభుత్వం కట్టుబడి ఉందని ఎమ్మెల్యే పేర్కొన్నారు.

ఈ కార్యక్రమంలో స్థానిక ప్రజాప్రతినిధులు, సహకార సంఘాల అధ్యక్షులు, అధికారులు, కాంగ్రెస్ నాయకులు, రైతులు, హమాలీలు తదితరులు పాల్గొన్నారు