విద్యార్థులు చదువుతో పాటు ఆటల్లోనూ రాణించాలి

- ఎమ్మెల్యే రాజేష్ రెడ్డి

నాగర్ కర్నూల్ (విజయక్రాంతి) : నాగర్ కర్నూల్ మండలం(Nagarkurnool Mandal) తూడుకుర్తి గ్రామంలో నిర్వహించిన జిల్లా స్థాయి ఖోఖో పోటీలను ఎమ్మెల్యే డాక్టర్ కూచుకుళ్ల రాజేష్ రెడ్డి ప్రారంభించారు. ఈ సందర్భంగా విద్యార్థులు చదువుతో పాటు క్రీడల్లోనూ రాణించి, ఉన్నత స్థాయికి ఎదగాలని ఆకాంక్షించారు. క్రీడలు శారీరక దృఢత్వంతో పాటు క్రమశిక్షణ, పట్టుదలను పెంపొందిస్తాయని పేర్కొన్నారు. ఈ కార్యక్రమంలో మున్సిపల్ చైర్మన్ తీగల సునీందర్, జిల్లా యూత్ కాంగ్రెస్ అధ్యక్షుడు వినోద్, పట్టణ కాంగ్రెస్ అధ్యక్షుడు జక్కా రాజ్ కుమార్ రెడ్డి, సర్పంచ్ లక్ష్మి కరుణాకర్ రెడ్డి, ఉప సర్పంచ్ వెంకటయ్య, వార్డు సభ్యులు, కాంగ్రెస్ నాయకులు పాల్గొన్నారు.