మరణశిక్షపై భారత్ కీలక నిర్ణయం

ఐరాసలో వ్యతిరేక ఓటు!

మరణశిక్షపై గ్లోబల్ డిబేట్.. భారత్ సహా 33 దేశాలు వ్యతిరేకం!

న్యూయార్క్: మరణశిక్ష అమలుపై ప్రపంచ దేశాల మధ్య భిన్నాభిప్రాయాలు మరోసారి బయటపడ్డాయి. ఈ అంశంపై ఐక్యరాజ్యసమితి జనరల్ అసెంబ్లీ (UNGA)లో జరిగిన ఓటింగ్‌లో భారత్ తన వైఖరిని స్పష్టం చేసింది. మరణశిక్ష అమలును తాత్కాలికంగా నిలిపివేయాలని దేశాలకు పిలుపునిస్తూ మెక్సికో ప్రవేశపెట్టిన తీర్మానానికి భారత్ వ్యతిరేకంగా ఓటు వేసింది. నవంబర్ 13న జరిగిన ఈ Votingలో మొత్తం 133 దేశాలు తీర్మానానికి మద్దతు పలకగా.. భారత్ సహా 33 దేశాలు వ్యతిరేకించాయి. మరో 16 దేశాలు ఓటింగ్‌కు దూరంగా ఉన్నాయి. 193 సభ్య దేశాలున్న UN General Assemblyలో ఈ తీర్మానం ఆమోదం పొందింది.

భారత్‌తో పాటు 33 దేశాల వ్యతిరేకత

మరణశిక్షపై Moratorium విధించాలన్న ప్రతిపాదనకు భారత్‌తో పాటు అమెరికా, చైనా, జపాన్, పాకిస్థాన్, ఇరాన్, ఇరాక్, బహ్రెయిన్, ఈజిప్ట్, కువైట్, మాల్దీవులు, ఒమన్, ఖతార్, సౌదీ అరేబియా తదితర దేశాలు వ్యతిరేకంగా ఓటు వేశాయి. దీంతో Capital Punishment అంశంపై అంతర్జాతీయ వేదికగా మరోసారి చర్చ మొదలైంది. మరణశిక్షను కొనసాగించాలా? లేక పూర్తిగా రద్దు చేయాలా? అనే విషయంలో దేశాల మధ్య భిన్నమైన అభిప్రాయాలు ఉన్నట్లు ఈ ఓటింగ్ స్పష్టం చేసింది.

మరణశిక్ష రద్దు దిశగా తీర్మానం

మెక్సికో ప్రవేశపెట్టిన Resolutionలో మరణశిక్ష అమలును తాత్కాలికంగా నిలిపివేసి, భవిష్యత్తులో పూర్తిగా రద్దు చేసే దిశగా చర్యలు చేపట్టాలని దేశాలకు సూచించారు. ఇప్పటికే ఈ శిక్షను రద్దు చేసిన దేశాలు తిరిగి అమల్లోకి తీసుకురాకూడదని కోరారు. 2025లో ప్రపంచవ్యాప్తంగా మరణశిక్షల అమలు గణనీయంగా పెరగడంపై కూడా తీర్మానం ఆందోళన వ్యక్తం చేసింది.

వీరికి మరణశిక్ష విధించొద్దు!

18 ఏళ్లలోపు వయసులో నేరాలకు పాల్పడిన వారికి మరణశిక్ష విధించకూడదని తీర్మానం స్పష్టం చేసింది. నేరం జరిగిన సమయంలో నిందితుడి వయసు 18 ఏళ్లు దాటిందో లేదో నిర్ధారించలేని పరిస్థితుల్లోనూ ఈ శిక్షను అమలు చేయరాదని పేర్కొంది. గర్భిణులు, మానసిక లేదా మేధోపరమైన వైకల్యాలు ఉన్న వ్యక్తులు, వృద్ధుల విషయంలోనూ మరణశిక్ష విధింపుపై పరిమితులు ఉండాలని సూచించింది. అలాగే మరణశిక్షకు అర్హమైన నేరాల సంఖ్యను క్రమంగా తగ్గించాలని, తప్పనిసరిగా మరణశిక్ష విధించే నిబంధనలను తొలగించాలని కోరింది.

దేశాల న్యాయవ్యవస్థకు స్వేచ్ఛ

ప్రతి దేశానికి తన సొంత Legal Systemను రూపొందించుకునే హక్కు ఉందని తీర్మానం గుర్తుచేసింది. అంతర్జాతీయ చట్టాలకు అనుగుణంగా నేరాలకు తగిన శిక్షలను నిర్ణయించుకునే అధికారం దేశాలకు ఉంటుందని పేర్కొంది. మరోవైపు భారత్‌లో అత్యంత అరుదైన కేసుల్లో మాత్రమే మరణశిక్ష విధించే న్యాయపరమైన విధానం అమల్లో ఉంది. ఈ నేపథ్యంలో UNGAలో భారత్ వేసిన వ్యతిరేక ఓటు అంతర్జాతీయంగా ప్రాధాన్యం సంతరించుకుంది.