మరోసారి పెరిగిన ధరలు
మళ్లీ బాదుడే.. రెండున్నర నెలల్లో రూ.5.50 పెరిగిన CNG!
ముంబై: ఇప్పటికే పెరుగుతున్న నిత్యావసరాల ధరలతో ఇబ్బందులు పడుతున్న సామాన్యులకు మరో షాక్ తగిలింది. ముంబైతో పాటు పరిసర ప్రాంతాల్లో CNG ధరలు మరోసారి పెరిగాయి. నవంబర్ 15 ఆదివారం నుంచి కిలో CNGపై రూ.1.50 పెంచుతూ మహానగర్ గ్యాస్ లిమిటెడ్ (MGL) నిర్ణయం తీసుకుంది. తాజా పెంపుతో ముంబైలో కిలో CNG ధర రూ.91.50కి చేరింది. దీంతో ఆటో, ట్యాక్సీ డ్రైవర్లతో పాటు CNG వాహనాలు వినియోగించే ప్రైవేట్ వాహనదారులపై అదనపు భారం పడనుంది.
2026లో ముంబైలో CNG ధరలు పెరగడం ఇది ఎనిమిదోసారి. జనవరిలో కిలో CNG ధర రూ.80.50గా ఉండగా.. తాజా పెంపుతో రూ.91.50కి చేరింది. అంటే ఏడాది ప్రారంభం నుంచి ఇప్పటివరకు కిలోపై రూ.11 పెరిగింది. దాదాపు 14 శాతం పెరుగుదల నమోదైంది. గత రెండున్నర నెలల్లోనే ధరలు మొత్తం రూ.5.50 మేర పెరగడం గమనార్హం. ఈ ఏడాది ఫిబ్రవరిలో 50 పైసలు, ఏప్రిల్‌లో రూ.1, మే నెలలో రెండుసార్లు రూ.2 చొప్పున, సెప్టెంబర్‌లో మరో రూ.2 పెంచారు. అక్టోబర్‌లో రూ.1, నవంబర్ 1న మరో రూ.1 పెంపు జరిగింది. తాజాగా నవంబర్ 15 నుంచి రూ.1.50 పెంచడంతో ఈ ఏడాది ఇప్పటివరకు నమోదైన అత్యధిక స్థాయికి CNG ధర చేరింది.
అంతర్జాతీయ పరిణామాలే కారణమా?
దేశీయంగా సహజ వాయువు (Natural Gas) లభ్యత తగ్గడం, గ్యాస్ కొనుగోలు ఖర్చులు పెరగడం వల్లే ధరలను సవరించాల్సి వచ్చిందని MGL వెల్లడించింది. అవసరాలను తీర్చుకునేందుకు దిగుమతి చేసుకునే Re-gasified Liquefied Natural Gas (RLNG)పై ఎక్కువగా ఆధారపడాల్సి వస్తోందని తెలిపింది. మరోవైపు మధ్యప్రాచ్యంలో కొనసాగుతున్న ఉద్రిక్తతల కారణంగా అంతర్జాతీయ మార్కెట్‌లో గ్యాస్ Procurement Cost పెరిగినట్లు పేర్కొంది. పెరిగిన వ్యయాల్లో కొంత భాగాన్ని భర్తీ చేసుకోవడంతో పాటు నిరంతర సరఫరా కొనసాగించేందుకు ఈ Price Hike అవసరమైందని కంపెనీ వివరించింది.
ఆటో, ట్యాక్సీ ప్రయాణాలపై ప్రభావం
ముంబై మెట్రోపాలిటన్ రీజియన్ (MMR) పరిధిలో సుమారు 12.93 లక్షల CNG వాహనాలు నడుస్తున్నాయి. వీటిలో ఆటోరిక్షాలు, ట్యాక్సీలు, ప్రైవేట్ కార్లు, పబ్లిక్ ట్రాన్స్‌పోర్ట్ వాహనాలు ఉన్నాయి. తాజా ధరల పెంపుతో డ్రైవర్ల రోజువారీ Operating Cost పెరగనుంది. ఈ అదనపు భారం చివరకు ప్రయాణికులపై కూడా పడే అవకాశం ఉంది. దీంతో రానున్న రోజుల్లో ఆటో, ట్యాక్సీ ఛార్జీలు పెరుగుతాయా అన్న చర్చ మొదలైంది.
