ఢిల్లీలో భారీ డ్రగ్స్ దందా గుట్టురట్టు

న్యూఢిల్లీ: దేశ రాజధాని ఢిల్లీలో డ్రగ్స్ అక్రమ రవాణాపై క్రైమ్ బ్రాంచ్ పోలీసులు భారీ ఆపరేషన్ (Drug Bust Operation) చేపట్టారు. ఈ దాడుల్లో సుమారు రూ.5 కోట్ల విలువైన 2 కిలోల 250 గ్రాముల హెరాయిన్‌ను స్వాధీనం చేసుకున్నారు. ఈ వ్యవహారంలో తొలుత ఆరుగురిని అరెస్ట్ చేయగా, నిందితుల విచారణలో వెల్లడైన వివరాల ఆధారంగా మరో ముగ్గురిని పోలీసులు అదుపులోకి తీసుకున్నట్లు తెలుస్తోంది. ఈ డ్రగ్స్ అక్రమ రవాణా వెనుక ఒకే కుటుంబానికి చెందిన వ్యక్తులు ఉన్నట్లు పోలీసుల దర్యాప్తులో వెల్లడైంది. కుటుంబ సభ్యులంతా కలిసి హెరాయిన్ సరఫరా చేస్తున్నారనే అనుమానంతో పోలీసులు విచారణ చేపట్టారు. ఈ క్రమంలో ఆరుగురిని అరెస్ట్ చేసి వారి నుంచి భారీగా మత్తుపదార్థాలను స్వాధీనం చేసుకున్నారు.

అరెస్టయిన నిందితులను విచారించగా డ్రగ్స్ సరఫరా నెట్‌వర్క్‌కు (Drug Supply Network) సంబంధించిన మరికొన్ని కీలక వివరాలు బయటపడినట్లు తెలుస్తోంది. వారి సమాచారంతో మరో ముగ్గురిని గుర్తించి అరెస్ట్ చేసినట్లు సమాచారం. ఈ దందాలో ఇంకా ఎవరెవరి ప్రమేయం ఉంది? హెరాయిన్ ఎక్కడి నుంచి తీసుకొస్తున్నారు? ఎక్కడెక్కడికి సరఫరా చేస్తున్నారు? అనే కోణాల్లో క్రైమ్ బ్రాంచ్ అధికారులు దర్యాప్తు కొనసాగిస్తున్నారు. స్వాధీనం చేసుకున్న మత్తుపదార్థాల విలువ, సరఫరా మార్గాలపై (Crime Branch Investigation) ఆరా తీస్తున్నారు.

ఒకే కుటుంబానికి చెందిన వ్యక్తుల ప్రమేయంపై అనుమానాలు.. కోట్ల విలువైన హెరాయిన్ స్వాధీనం.. వరుస అరెస్టులతో ఢిల్లీలో డ్రగ్స్ అక్రమ రవాణా వ్యవహారం చర్చనీయాంశంగా మారింది.