పెన్ పహాడ్: సూర్యాపేట జిల్లా(Suryapet District) పెన్ పహాడ్ మండల పరిధిలోని అనంతారం ఉన్నత పాఠశాలలో 1991-92 విద్యా సంవత్సరానికి చెందిన విద్యార్ధులంతా కలసి పూర్వ విద్యార్ధుల సమ్మేళన కార్యక్రమము ఆదివారం కనుల పండువగా నిర్వహించుకున్నారు. ఈ సందర్భంగా విద్యార్ధులు ప్రస్తుతం ఉంటున్న జీవన నేపద్యంపై ఒకరినొకరు ప్రస్తావించుకున్నారు. కాగా చదువు నేర్పిన అప్పటి తమ గురువులను ఘనంగా పూలమాలలు శాలువాలతో ఘనంగా సన్మానించుకున్నారు.

తరగతి గదిలో చేసిన చిలిపి పనులు, మార్కులు తక్కువ వచ్చినందుకు తమ గురువులు చేసిన దండనను గుర్తు చేసుకున్నారు. అలాగే కుటుంబ సభ్యులతో కలసి ఆట పాట చేపట్టి గురువులతో కలిసి సహాఫంక్తి భోజనం చేశారు. ఆనాటి గురువులు ఒంటెద్దు వెంకట్రెడ్డి మల్లిరెడ్డి రాఘవరెడ్డి, వీరయ్య, నారాయణ మల్లారెడ్డి లను విద్యార్థులు ఘన సన్మానం చేశారు ఈ కార్యక్రమంలో పూర్వ విద్యార్థులు బైరెడ్డి భద్రారెడ్డి, కోటిరెడ్డి తిరుపతి, పల్లెపంగు మదన్, తదితరులు ఉన్నారు.