అంగన్‌వాడీ కార్యకర్తలు సమయపాలన పాటించాలి

ములకలపల్లి, ఫిబ్రవరి 26 (విజయక్రాంతి):ప్రభుత్వం నిర్దేశించిన వేళలను అంగన్వాడీ కార్యకర్తలు కచ్చితంగా పాటించాలని పాత గంగారం సర్పంచ్ సోడే చైతన్య సూచించారు.గురువారం పాత గంగారం గ్రామంలోని అంగన్వాడీ కేంద్రాన్ని ఆయన తనిఖీ చేశారు. ఈ సందర్భంగా ఆయన మాట్లాడుతూ గ్రామ పంచాయతీలోని అంగన్వాడీ కార్యకర్తలందరూ సమయపాలన పాటించాలని తెలిపారు.

అంగన్వాడీ కేంద్రానికి చిన్న పిల్లల కొరకు సరఫరా చేస్తున్న కోడిగుడ్లు, పాల పాకెట్లు, పప్పు,బియ్యం తినుబండరాలు వంటివి నాణ్యంగా ఉన్నాయా? లేవా? అని పరిశీలించారు.ప్రభుత్వం సరఫరా చేస్తున్న వీటిని సక్రమంగా వినియోగించి చిన్న పిల్లలకి, గర్భిణీ లకు, బాలింతలకు వచ్చే రక్త హీనతను తగ్గించాలని ఈ సందర్బంగా అక్కడకు మీటింగ్ కు వచ్చిన అంగన్వాడీ టీచర్లకు అందరికీ సూచించారు.చిన్న పిల్లలు ప్రీ స్కూల్ కు వెళ్ళటానికి ముందే వారికి అన్ని పదాలు రాయడం, పలకటం వచ్చేలా అంగన్వాడి కార్యకర్తలు కృషి చేయాలని చెప్పారు. ఆయన వెంట పంచాయతీ కార్యదర్శి సురేష్ ఉన్నారు.