విరాట్ కర్ణ హీరోగా నటి స్తున్న మైథలాజికల్ యాక్షన్ డ్రామా ‘నాగబంధం’. అభి షేక్ నామా కథ, స్క్రీన్‌ప్లే, దర్శకత్వం వహిస్తున్న ఈ సినిమాకు కిషోర్ అన్నపురెడ్డి, నిషిత నాగిరెడ్డి నిర్మాతలు. ఈ సినిమాలో నభా నటేశ్, ఐశ్వర్య మీనన్ కథానాయికలుగా కాగా.. జగపతిబాబు, జయప్రకాశ్, మురళీశర్మ, బీఎస్ అవినాష్ కీలక పాత్రలు పోషిస్తున్నారు. ఆధ్యాత్మిక కథాంశంతో రూపొందుతున్న ఈ చిత్రం ప్రస్తుతం ప్రొడక్షన్ చివరి ద శకు చేరుకుంది. మకర సంక్రాంతి సందర్భంగా చి త్ర బృందం హీరోయిన్ నభా నటేశ్‌ను పార్వతి పా త్రలో పరిచయం చేసింది. ఈ మేరకు విడుదల చేసిన ఫస్ట్‌లుక్ పోస్టర్‌లో నభా నటేశ్ సాంప్రదాయ లుక్‌లో కనిపిస్తోంది.

ఆమె ముఖంలో కనిపించే హుందాతనం, పవిత్రత, ఆత్మీయ భావం, భక్తి, పురాణాల మూలాల నుంచి పుట్టిన పాత్రను సూచిస్తోంది. భారతదేశంలోని పురాతన విష్ణు దేవాలయాల నేపథ్యంలో సాగే ఈ కథాంశం నాగబంధం సంప్రదాయంలోని పవిత్ర రహస్యాలను అన్వేషిస్తుంది. ఈ వేసవిలో తెలుగు, హిందీ, తమిళం, కన్నడ, మలయాళ భాషలలో భారీగా విడుదల కానున్న ఈ చిత్రానికి సంగీతం: అభే, జునైద్ కుమార్; సినిమాటోగ్రఫీ: సౌందర్ రాజన్ ఎస్; ఎడిటింగ్: ఆర్సి ప్రణవ్; ప్రొడక్షన్ డిజైన్: అశోక్‌కుమార్.