పనాజీ: కేంద్ర మాజీ మంత్రి పూసపాటి అశోక్ గజపతి రాజు(Pusapati Ashok Gajapathi Raju) శనివారం రాజ్ భవన్ లోని బంగ్లా దర్బార్ హాల్ లో జరిగిన ప్రమాణ స్వీకార కార్యక్రమం తర్వాత గోవా గవర్నర్ గా అధికారికంగా బాధ్యతలు స్వీకరించారు. ఉదయం 11.30 గంటలకు బాంబే హైకోర్టు ప్రధాన న్యాయమూర్తి జస్టిస్ అలోక్ ఆరాధే ఆయనతో ప్రమాణ స్వీకారం చేయించారు. ఈ కార్యక్రమానికి గోవా ముఖ్యమంత్రి ప్రమోద్ సావంత్(Goa Chief Minister Pramod Sawant), మంత్రివర్గ సభ్యులు, కేంద్ర మంత్రి రామ్ మోహన్ నాయుడు, ఆంధ్రప్రదేశ్ మంత్రులు నారా లోకేష్, సంధ్యా రాణి, కొండపల్లి శ్రీనివాస్, తెలుగుదేశం పార్టీ (టీడీపీ)కి చెందిన పలువురు ఎంపీలు సహా పలువురు ప్రముఖులు హాజరయ్యారు. ఆంధ్రప్రదేశ్‌కు చెందిన ప్రముఖ తెలుగుదేశం పార్టీ (Telugu Desam Party) నాయకుడు రాజు (74) గోవా గవర్నర్‌గా పిఎస్ శ్రీధరన్ పిళ్లై స్థానంలో నియమితులయ్యారు.