బీసీ బంద్ విజయవంతం

- మద్దతు తెలిపిన అన్ని రాజకీయ పార్టీలు.

- 42% రిజర్వేషన్ పొందే వరకు ఉద్యమిస్తాం  అంటున్న బీసీ నాయకులు..

- మేమెంత...? మాకెంత...? అంటు నినాదాలు.

- ధమాషా పద్ధతిన రిజర్వేషన్లు ప్రకటించాలి.

శంకర్ పల్లి: 42 శాతం రిజర్వేషన్లకై బీసీ నాయకులు చేస్తున్న రాష్ట్ర బంద్ విజయవంతం అయ్యింది. బీసీ రిజర్వేషన్లపై హైకోర్టు స్టే ఇచ్చినందున ఆర్ కృష్ణయ్య, బీసీ నాయకులు ఒకరోజు రాష్ట్ర బంద్ కు పిలుపునిచ్చారు. ఈ పిలుపు మేరకు శంకర్పల్లి మండలంలో అన్ని రాజకీయ పార్టీల సహకారంతో  బందు విజయవంతం అయ్యింది. దుకాణదారులు స్వచ్ఛందంగా దుకాణాలు మూసివేసి బందుకు మద్దతు తెలిపారు. ఇదే స్ఫూర్తితో 42 శాతం రిజర్వేషన్ సాధించే వరకు ఉద్యమిస్తామని బీసీ నాయకులు గొంతెత్తి చాటారు. దామాషా పద్ధతిన మేము ఎంత ఉంటే అంత శాతం రిజర్వేషన్ ఇవ్వాలి అని కేంద్ర, రాష్ట్ర ప్రభుత్వాలను ప్రశ్నించారు. రాష్ట్రంలో అత్యధికంగా ఉన్న బీసీలకు రిజర్వేషన్ పెంచితే అడ్డుకోవడం ఏంటని ప్రశ్నించారు. పార్టీలకు అతీతంగా పోరాడి బీసీ ఉద్యమాన్ని మరింత  ముందుకు తీసుకెళ్తామని రిజర్వేషన్ సాధించే వరకు ఈ ఉద్యమాన్ని ఆపమని బీసీ నాయకులు తెలిపారు.