వెంకటరమణారెడ్డికి బ్రిక్స్ యూనియన్ సంతాపం

అశ్వాపురం (విజయక్రాంతి): మండల పరిధిలోని మల్లెలమడుగు గ్రామానికి చెందిన ఇటుక బట్టీల వ్యాపారి సురకంటి వెంకటరమణారెడ్డి ఇటీవల అనారోగ్య కారణంతో మృతి చెందగా, ఇటుక బట్టీల వ్యాపారస్తులు బుధవారం బ్రిక్స్ యూనియన్ కార్యాలయంలో సంతాప సభ ఏర్పాటు చేసి ఆయన చిత్రపటానికి పూలమాల వేసి ఘనంగా నివాళులర్పించారు. అనంతరం వారు మాట్లాడుతూ... ఆయనతో వారికి ఉన్న అనుబంధాన్ని, సేవా భావాన్ని, ఆయన జ్ఞాపకాలని గుర్తు చేసుకొని పలువురు ఆయన సేవలను కొనియాడారు. ఆ కుటుంబానికి ఎల్లవేళలా అండగా ఉంటామని తెలిపారు. ఈ కార్యక్రమంలో ఇటుక బట్టీల యూనియన్ అధ్యక్షులు మర్రి మల్లారెడ్డి, గౌరవ అధ్యక్షులు తలపనేని కొండలరావు, యూనియన్ సభ్యులు ఆగిటి రవీందర్ రెడ్డి, గుర్రం రవి, బద్దం వెంకటరెడ్డి, ముద్దం సైదిరెడ్డి, సాదినేని నాగేశ్వరరావు, వడ్డేం పూడి రాము, చిగురుపాటి ప్రసాద్ తదితరులు పాల్గొన్నారు.