1. 4 రోజులు హార్వర్డ్‌లో చదువుకున్నా మారని భాష
2. తన అజీర్తిని, అక్కసును మరోసారి బయటపెట్టారు
3. మాజీ మంత్రి హరీశ్‌రావు

హైదరాబాద్, ఫిబ్రవరి 2 (విజయక్రాంతి) : హేట్ స్పీచ్ అంటే ఏమిటో చెప్పడానికి పుస్తకాలు అవసరం లేదు రేవంత్ రెడ్డి ప్రసంగాలు చాలని, అమెరికా వెళ్లి హార్వర్డ్‌లో నాలుగు రోజు లు చదువుకున్నా.. రేవంత్ రెడ్డి తన వెనకటి గుణం మాత్రం మార్చుకోలేదని మాజీ మంత్రి హరీశ్‌రావు మండిపడ్డారు. జస్టిస్ సుదర్శన్ రెడ్డి హేట్ స్పీచ్‌పై హితబోధ చేసిన కొద్ది నిమిషాలు కూడా గడవకముందే అదే వేదికపై రేవంత్ రెడ్డి తన అసలు స్వభావాన్ని, తన మాటల ద్వారానే బయటపెట్టుకున్నారని విమర్శించారు.

హేట్ స్పీచ్‌పై ఉపన్యాసం ముగియకముందే, రేవంత్ రెడ్డి హేట్ స్పీచ్‌కు లైవ్ డెమో ఇచ్చారని ఎద్దేవా చేశారు. ఈ మేరకు సోమవారం ట్విట్టర్ వేదికగా హరీశ్‌రావు స్పందించారు. కేసీఆర్‌పై కడుపులో కత్తులు, నోటిలో విషం పెట్టుకున్న రేవంత్ రెడ్డి తన అజీర్తిని, అక్కసును మరోసారి బయటపెట్టారని ఆగ్రహం వ్యక్తం చేశారు. కనీస సం స్కారం రాలేదు, చిల్లర మాటల్లో, వెకిలి చేతల్లో ఎలాంటి మార్పు రాలేదని పేర్కొన్నారు. నాలు గు కోట్ల ప్రజలు ఏకమై స్వరాష్ర్టం కోసం కొట్లాడుతుంటే ఆంధ్రా పాలకుల బూట్లు తుడుస్తున్న నీకు కేసీఆర్ గురించి, తెలంగాణ ఉద్యమం గురించి ఎలా తెలుస్తుందని ప్రశ్నించారు.