హైదరాబాద్: ఖైరతాబాద్‌లోని శ్రీనివాస్ నగర్(Srinivas Nagar) మంగళవారం ఉదయం ఒక వీధి కుక్క దాడి చేయడంతో యూకేజీ చదువుతున్న విద్యార్థిని గాయపడింది. ఖైరతాబాద్‌లోని తన నివాసం సమీపంలో రోడ్డు దాటుతున్న బాలికపై ఒక వీధి కుక్క దాడి చేసి, ఆమె చెంపపై గాయాలు చేసింది. ఒక మోటార్‌సైకిల్ నడుపుతున్న వ్యక్తిని చూడగానే ఆ కుక్క పారిపోయింది. ఆ బైకర్ తన వాహనాన్ని ఆపి, ఆ బాలిక సహాయానికి వచ్చాడు. కేకలు విన్న కుటుంబ సభ్యులు వెంటనే పాపను బంజారాహిల్స్ లోని రెయిన్‌బో ఆసుపత్రికి తరలించారు. ప్రస్తుతం చిన్నారి చికిత్స పొందుతుందని కుటుంబ సభ్యులు వెల్లడించారు.