ఇస్లామాబాద్: ఆదివారం ఉదయం పాకిస్తాన్‌లోని ఖైబర్ పఖ్తుంఖ్వా, ఇస్లామాబాద్, రావల్పిండి పరిసర ప్రాంతాలతో సహా వివిధ ప్రాంతాలలో రిక్టర్ స్కేలుపై 5.1 తీవ్రతతో భూకంపం సంభవించిందని జాతీయ భూకంప పర్యవేక్షణ కేంద్రం(National Seismic Monitoring Centre) తెలిపింది. ఇస్లామాబాద్, రావల్పిండి జంట నగరాల్లో ప్రకంపనలు సంభవించగా, సమీపంలోని మర్దాన్, ముర్రీ, హరిపూర్, చక్వాల్, తలగాంగ్, కల్లార్ కహార్ వంటి ప్రాంతాలలో కూడా ప్రకంపనలు సంభవించాయని, 5.1 తీవ్రతతో సంభవించిన భూకంపం రావత్‌కు ఆగ్నేయంగా 15 కి.మీ దూరంలో, 10 కి.మీ లోతులో కేంద్రీకృతమై ఉందని ఎన్ఎస్ఎంసి ధృవీకరించింది.