గ్యాస్ బుకింగ్ గడువు పెంపు

రెండు సిలిండర్లు ఉంటే 35 రోజుల గడువు

హైదరాబాద్, మార్చి 24 (విజయక్రాంతి): వంటగ్యాస్ సిలిండర్ రీఫిల్ బుకింగ్ గడువును మరింత పెంచుతూ చమురు సంస్థలు నిర్ణయం తీసుకున్నాయి. రెండు సిలిండర్లు ఉంటే బుకింగ్ మధ్య అంతరం కనీసం 35 రోజులు ఉండాలని ప్రకటించాయి. మొదట్లో 21 రోజులు ఉండగా మార్చి రెండో వారంలో 25 రోజులకు, తాజాగా 35 రోజులకు పెంచడం గమనార్హం. సింగిల్ సిలిండర్ ఉంటే 25 రోజుల అంతరం తర్వాతే బుక్ చేయాల్సి ఉంటుంది. ప్రధానమంత్రి ఉజ్వల్ యోజన (పీఎంయూవై) వినియోగదారులకు సిలిండర్ బుకింగ్ గడువును 45 రోజులకు పెంచారు. పట్టణ, గ్రామీణ ప్రాంతాలకు కూడా ఇదే నిబంధన వర్తిస్తుంది.