గిడ్డంగిలో అగ్నిప్రమాదం.. ప్రాణనష్టం లేదు

హైదరాబాద్: రాజేంద్రనగర్‌లోని శివరాంపల్లిలో భారీ అగ్నిప్రమాదం సంభవించింది. అలంకరణ సామాగ్రిని నిల్వ ఉంచే గిడ్డంగిలో భారీ అగ్నిప్రమాదం సంభవించింది. భారీ మంటలు చెలరేగడంతో పాటు, దట్టమైన పొగ కమ్ముకోవడంతో సమీపంలోని స్థానికులు తీవ్ర భయాందోళన గురయ్యారు. వెంటనే స్థానికులు పోలీసులకు, అగ్నిమాపక అధికారులకు సమాచారం అందించారు. అగ్నిమాపక వాహనాలు ఘటనా స్థలానికి చేరుకుని గంట వ్యవధిలోనే మంటలను అదుపులోకి తెచ్చారు. వేసవి ప్రారంభమైనందున అగ్నిమాపక భద్రతా అధికారులు పౌరులను భద్రతా నిబంధనలను పాటించాలని హెచ్చరించినప్పటికీ, ఇక్కడ ఆ నిబంధనలను పాటించడంలో నిర్లక్ష్యం కనబడినట్లు అధికారులు వెల్లడించారు.